ਮਨੀਪੁਰ: ਵਿਧਾਇਕ ਦੀ ਰਿਹਾਇਸ਼ ਤੋਂ ਨਗ਼ਦੀ ਤੇ ਗਹਿਣੇ ਲੁੱਟੇ

ਇੰਫਾਲ, 21 ਨਵੰਬਰ
ਇੱਥੇ ਲੋਕਾਂ ਦੇ ਸਮੂਹ ਨੇ ਇੱਕ ਵਿਧਾਇਕ ਦੀ ਰਿਹਾਇਸ਼ ਦੀ ਕੁਝ ਦਿਨ ਪਹਿਲਾਂ ਭੰਨਤੋੜ ਕੀਤੀ ਅਤੇ ਉੱਥੋਂ 18 ਲੱਖ ਰੁਪਏ ਦੀ ਨਗ਼ਦੀ ਅਤੇ 1.5 ਕਰੋੜ ਰੁਪਏ ਦੇ ਗਹਿਣੇ ਲੁੱਟ ਲਏ ਜਿਸ ਦੀ ਸ਼ਿਕਾਇਤ ਅੱਜ ਦਰਜ ਕਰਵਾਈ ਗਈ ਹੈ। ਇੱਕ ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਜਨਤਾ ਦਲ-ਯੂਨਾਈਟਿਡ ਦੇ ਵਿਧਾਇਕ ਖੁਮੁਕਚਮ ਜੋਯਕਿਸ਼ਨ ਸਿੰਘ ਦੀ ਮਾਤਾ ਨੇ ਇੰਫਾਲ ਪੁਲੀਸ ਸਟੇਸ਼ਨ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ ਕਿ ਵਿਧਾਇਕ ਦੀ ਰਿਹਾਇਸ਼ ਵਿੱਚ ਭੰਨ-ਤੋੜ ਕਰਨ ਵਾਲੀ ਭੀੜ ਵੱਲੋਂ 18 ਲੱਖ ਰੁਪਏ ਨਕਦ ਅਤੇ ਡੇਢ ਕਰੋੜ ਰੁਪਏ ਦੇ ਗਹਿਣੇ ਲੁੱਟ ਲਏ ਗਏ ਹਨ। ਉਸ ਦਿਨ ਵਿਧਾਇਕ ਆਪਣੇ ਪਰਿਵਾਰਕ ਮੈਂਬਰ ਦੇ ਇਲਾਜ ਦੇ ਸਿਲਸਿਲੇ ’ਚ ਦਿੱਲੀ ਵਿਚ ਸਨ।