ਮਹਾਰਾਸ਼ਟਰ ਪੁਲੀਸ ਨੇ ਸ਼ਾਹਰੁਖ਼ ਖ਼ਾਨ ਨੂੰ ਵਾਈ ਪਲੱਸ ਸ਼੍ਰੇਣੀ ਦੀ ਸੁਰੱਖਿਆ ਦਿੱਤੀ

ਮੁੰਬਈ, 9 ਅਕਤੂਬਰ
ਮਹਾਰਾਸ਼ਟਰ ਪੁਲੀਸ ਨੇ ਬਾਲੀਵੁੱਡ ਅਭਨਿੇਤਾ ਸ਼ਾਹਰੁਖ ਖਾਨ ਦੀ ਜਾਨ ਨੂੰ ਸੰਭਾਵਿਤ ਖ਼ਤਰੇ ਦੇ ਮੱਦੇਨਜ਼ਰ ਵਾਈ ਪਲੱਸ ਸ਼੍ਰੇਣੀ ਦੀ ਸੁਰੱਖਿਆ ਪ੍ਰਦਾਨ ਕੀਤੀ ਹੈ।ਇਸ ਤਹਿਤ ਛੇ ਕਮਾਂਡੋ ਅਤੇ ਪੁਲੀਸ ਐਸਕਾਰਟ ਵਾਹਨ ਸਮੇਤ 11 ਸੁਰੱਖਿਆ ਕਰਮਚਾਰੀ ਦਿੱਤੇ ਗਏ ਹਨ। ਸ਼ਾਹਰੁਖ (57) ਨੂੰ ਉਸ ਦੀ ਹਾਲੀਆ ਫਿਲਮ 'ਜਵਾਨ' ਦੀ ਰਿਲੀਜ਼ ਤੋਂ ਬਾਅਦ ਧਮਕੀਆਂ ਮਿਲ ਰਹੀਆਂ ਹਨ। ਇਹ ਸੁਰੱਖਿਆ ਮੁਫ਼ਤ ਨਹੀਂ ਹੈ ਅਤੇ ਸ਼ਾਹਰੁਖ ਨੂੰ ਇਸ ਦਾ ਭੁਗਤਾਨ ਕਰਨਾ ਪਵੇਗਾ।