ਮੱਧ ਪ੍ਰਦੇਸ਼: ਬਾਲ ਆਸ਼ਰਮ ਵਿਚ ਦੋ ਬੱਚਿਆਂ ਦੀ ਮੌਤ, 12 ਬਿਮਾਰ

ਇਥੋਂ ਦੇ ਇਕ ਬਾਲ ਆਸ਼ਰਮ ਵਿਚ ਦੋ ਦਿਨਾਂ ਵਿਚ ਦੋ ਬੱਚਿਆਂ ਦੀ ਮੌਤ ਹੋ ਗਈ ਜਦਕਿ 12 ਬੱਚੇ ਬਿਮਾਰ ਹੋ ਗਏ ਹਨ। ਏਡੀਸੀਪੀ ਆਲੋਕ ਕੁਮਾਰ ਸ਼ਰਮਾ ਨੇ ਦੱਸਿਆ ਕਿ ਬਾਲ ਆਸ਼ਰਮ ਵਿਚ ਰਹਿੰਦੇ ਕਰਨ(12) ਅਤੇ ਅਕਾਸ਼(3) ਦੀ ਮੌਤ ਪਿਛਲੇ ਦੋ ਦਿਨਾਂ ਵਿਚ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਪੋਸਟਮਾਰਟਮ ਰਿਪੋਰਟ ਦੇ ਆਉਣ ਤੋਂ ਬਾਅਦ ਹੀ ਮੌਤ ਦੇ ਕਾਰਨਾਂ ਦਾ ਪਤਾ ਲੱਗ ਸਕਦਾ ਹੈ।

ਇੰਦੌਰ ਦੇ ਕਲੈਕਟਰ ਆਸ਼ੀਸ਼ ਸਿੰਘ ਨੇ ਕਿਹਾ ਕਿ ਡਾਕਟਰਾਂ ਅਨੁਸਾਰ ਪਹਿਲੀ ਨਜ਼ਰ ਵਿਚ ਇਹ ਮਾਮਲਾ ਖਾਣੇ ਕਾਰਨ ਹੋਈ ਬਿਮਾਰੀ ਦਾ ਜਾਪਦਾ ਹੈ। ਉਨ੍ਹਾਂ ਕਿਹਾ ਕਿ ਵਧੀਕ ਜ਼ਿਲ੍ਹਾ ਮੈਜਿਸਟਰੇਟ ਦੀ ਅਗਵਾਈ ਵਿੱਚ ਇੱਕ ਟੀਮ ਨੂੰ ਖੁਰਾਕ ਵਿਭਾਗ ਦੇ ਅਧਿਕਾਰੀਆਂ ਸਮੇਤ ਜਾਂਚ ਲਈ ਬਾਲ ਆਸ਼ਰਮ ਭੇਜਿਆ ਗਿਆ ਹੈ।