ਮੱਧ ਪ੍ਰਦੇਸ਼: ਸਾਬਕਾ ਸੰਸਦ ਮੈਂਬਰ ਪਟੇਲ ਤੇ ਸਾਬਕਾ ਵਿਧਾਇਕ ਤ੍ਰਿਪਾਠੀ ਬਸਪਾ ’ਚ ਸ਼ਾਮਲ

ਭੋਪਾਲ, 21 ਮਾਰਚ 

ਮੱਧ ਪ੍ਰਦੇਸ਼ ’ਚ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਸਾਬਕਾ ਸੰਸਦ ਮੈਂਬਰ ਬੁੱਧ ਸੇਨ ਪਟੇਲ, ਸਾਬਕਾ ਭਾਜਪਾ ਵਿਧਾਇਕ ਨਾਰਾਇਣ ਤ੍ਰਿਪਾਠੀ ਤੇ ਕਾਂਗਰਸੀ ਮੈਂਬਰ ਲਕਸ਼ਮਣ ਅਹੀਰਵਰ ਅੱਜ ਬਹੁਜਨ ਸਮਾਜ ਪਾਰਟੀ (ਬਸਪਾ) ਵਿੱਚ ਸ਼ਾਮਲ ਹੋ ਗਏ। ਉਕਤ ਨੇਤਾਵਾਂ ਨੂੰ ਪਾਰਟੀ ’ਚ ਸ਼ਾਮਲ ਕਰਨ ਮਗਰੋਂ ਬਸਪਾ ਦੇ ਸੂਬਾ ਪ੍ਰਧਾਨ ਰਮਾਕਾਂਤ ਪਿੱਪਲ ਨੇ ਆਖਿਆ ਉਹ ਬਸਪਾ ਮੁਖੀ ਮਾਇਆਵਤੀ ਦੀ ਲੀਡਰਸ਼ਿਪ ਤੋਂ ਪ੍ਰਭਾਵਿਤ ਹੋਏ ਹਨ। ਸੂਤਰਾਂ ਮੁਤਾਬਕ ਰੇਵਾ, ਸਤਨਾ ਤੇ ਟੀਕਮਗੜ੍ਹ ਸੰਸਦੀ ਹਲਕਿਆਂ ਤੋਂ ਬਸਪਾ ਦੀ ਟਿਕਟ ਲਈ ਕ੍ਰਮਵਾਰ ਪਟੇਲ, ਤ੍ਰਿਪਾਠੀ ਅਤੇ ਅਹੀਰਵਰ ਦੇ ਨਾਂ ’ਤੇ ਵਿਚਾਰੇ ਜਾਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਕਿਹਾ ਕਿ ਬਸਪਾ ਜਲਦੀ ਹੀ ਮੱਧ ਪ੍ਰਦੇਸ਼ ’ਚ ਸਾਰੇ 29 ਹਲਕਿਆਂ ਲਈ ਉਮੀਦਵਾਰਾਂ ਦੇ ਨਾਂਵਾਂ ਦੇ ਐਲਾਨ ਕਰੇਗੀ। -ਪੀਟੀਆਈ