ਸੂਹੇ ਰੰਗ ਦੀ ਦੀਵਾਨੀ ਹੈ ਮਾਧੁਰੀ ਦੀਕਸ਼ਿਤ

ਮੁੰਬਈ: ਅਦਾਕਾਰਾ ਮਾਧੁਰੀ ਦੀਕਸ਼ਿਤ ਨੇ ਕਿਹਾ ਕਿ ਉਸ ਨੂੰ ਸੂਹਾ ਰੰਗ ਬਹੁਤ ਪਸੰਦ ਹੈ ਕਿਉਂਕਿ ਇਹ ਉਸ ਦੀਆਂ ਭਾਵਨਾਵਾਂ ਦਾ ਪ੍ਰਤੀਕ ਹੈ। ਮਾਧੁਰੀ ਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ‘ਭੂਲ ਭੂਲੱਈਆ 3’ ਫ਼ਿਲਮ ਨੂੰ ਹਾਂ-ਪੱਖੀ ਹੁੰਗਾਰਾ ਮਿਲਿਆ ਹੈ। ਅਦਾਕਾਰਾ ਨੇ ਇੰਸਟਾਗ੍ਰਾਮ ’ਤੇ ਲਾਲ ਰੰਗ ਦੇ ਪਹਿਰਾਵੇ ਦੀਆਂ ਆਪਣੀਆਂ ਤਸਵੀਰਾਂ ਦੀ ਇੱਕ ਲੜੀ ਸਾਂਝੀ ਕੀਤੀ ਹੈ ਜਿਸ ਵਿੱਚ ਉਹ ਗਹਿਣਿਆਂ ਨਾਲ ਸਜੀ ਹੋਈ ਹੈ ਅਤੇ ਵਾਲ ਖੁੱਲ੍ਹੇ ਛੱਡੇ ਹੋਏ ਹਨ। ਉਨ੍ਹਾਂ ਕੈਪਸ਼ਨ ਵਿੱਚ ਲਿਖਿਆ, ‘‘ਲਾਲ ਮੇਰੇ ਦਿਲ ਕਾ ਹਾਲ ਹੈ।’’ ਇਸ ਤੋਂ ਪਹਿਲਾਂ ਮਾਧੁਰੀ ਆਪਣੇ ਮੁੰਬਈ ਸਥਿਤ ਘਰ ਗਈ ਸੀ ਜਿਥੇ ਉਸ ਨੇ ਮਹਾਨ ਚਿੱਤਰਕਾਰ ਐੱਮਐੱਫ ਹੁਸੈਨ ਨੂੰ ਸ਼ਰਧਾਂਜਲੀ ਦਿੱਤੀ ਸੀ। ਉਸ ਨੇ ਆਪਣੇ ਆਲੀਸ਼ਾਨ ਘਰ ਵਿੱਚ ਐੱਮਐੱਫ ਹੁਸੈਨ ਦੇ ਚਿੱਤਰ ਲਗਾਏ ਹੋਏ ਹਨ। ਐੱਮਐੱਫ ਹੁਸੈਨ ਹਮੇਸ਼ਾ ਮਾਧੁਰੀ ਨੂੰ ਆਪਣੀ ਪ੍ਰੇਰਨਾ ਮੰਨਦੇ ਸਨ ਅਤੇ ਇੱਕ ਫ਼ਿਲਮ ਵਿੱਚ ਉਸ ਨਾਲ ਕੰਮ ਵੀ ਕੀਤਾ ਹੈ। ਮਾਧੁਰੀ ਨੇ ਹਾਲ ਹੀ ਵਿੱਚ ‘ਭੂਲ ਭੂਲੱਈਆ 3’ ਵਿੱਚ ਵਿਦਿਆ ਬਾਲਨ, ਕਾਰਤਿਕ ਆਰਿਅਨ ਅਤੇ ਤ੍ਰਿਪਤੀ ਦਿਮਰੀ ਨਾਲ ਨਜ਼ਰ ਆ ਰਹੀ ਹੈ। ਦੀਵਾਲੀ ਮੌਕੇ ਰਿਲੀਜ਼ ਹੋਈ ਇਸ ਫ਼ਿਲਮ ਨੇ ਦੋ ਦਿਨਾਂ ਵਿੱਚ 72 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। -ਆਈਏਐੱਨਐੱਸ