ਲੈਫ਼ਟੀਨੈਂਟ ਜਨਰਲ ਮਲਿਕ ਆਈਐੱਸਆਈ ਦੇ ਨਵੇਂ ਮੁਖੀ

ਇਸਲਾਮਾਬਾਦ:

ਲੈਫ਼ਟੀਨੈਂਟ ਜਨਰਲ ਮੁਹੰਮਦ ਅਸੀਮ ਮਲਿਕ ਨੂੰ ਪਾਕਿਸਤਾਨ ਦੀ ਖ਼ੁਫ਼ੀਆ ਏਜੰਸੀ ਇੰਟਰ ਸਰਵਿਸਿਜ਼ ਇੰਟੈਲੀਜੈਂਸ ਦਾ ਨਵਾਂ ਡਾਇਰੈਕਟਰ ਜਨਰਲ ਨਿਯੁਕਤ ਕੀਤਾ ਗਿਆ ਹੈ। ਉਹ ਆਈਐੱਸਆਈ ਦੇ ਮੌਜੂਦਾ ਮੁਖੀ ਲੈਫ਼ਟੀਨੈਂਟ ਜਨਰਲ ਨਦੀਮ ਅੰਜੁਮ ਦੀ ਥਾਂ ’ਤੇ 30 ਸਤੰਬਰ ਨੂੰ ਅਹੁਦਾ ਸੰਭਾਲਣਗੇ। ਲੈਫ਼ਟੀਨੈਂਟ ਜਨਰਲ ਮਲਿਕ ਇਸ ਸਮੇਂ ਰਾਵਲਪਿੰਡੀ ਸਥਿਤ ਫ਼ੌਜੀ ਹੈੱਡਕੁਆਰਟਰ ’ਚ ਸਹਾਇਕ ਜਨਰਲ ਵਜੋਂ ਤਾਇਨਾਤ ਹਨ। -ਪੀਟੀਆਈ