ਲੌਕਡਾਊਨ: ਸਨਅਤਕਾਰਾਂਦੇ ਯੋਗਦਾਨ ਨੂੰ ਯਾਦ ਕੀਤਾ

ਫਰੀਦਾਬਾਦ: ਸਿੰਘ ਸਭਾ ਫਰੀਦਾਬਾਦ ਸੈਕਟਰ-15 ਵੱਲੋਂ ਸਥਾਨਕ ਸਨਅਤਕਾਰਾਂ ਤੇ ਸਮਾਜ ਸੇਵੀਆਂ ਅਜੈ ਜੁਨੇਜਾ ਤੇ ਹਰਦੀਪ ਸਿੰਘ ਬਾਂਗਾ ਵੱਲੋਂ ਲੌਕਡਾਊਨ ਦੌਰਾਨ ਨਿਭਾਈਆਂ ਸੇਵਾਵਾਂ ਤੇ ਯੋਗਦਾਨ ਨੂੰ ਯਾਦ ਕੀਤਾ ਗਿਆ। ਪੰਜਾਬੀ ਸਮਾਜ ਸਭਾ ਦੇ ਪ੍ਰਧਾਨ ਤੇ ਫਰੀਦਾਬਾਦ ਸਨਅਤੀ ਐਸੋਸੀਏਸ਼ਨ ਦੇ ਪ੍ਰਧਾਨ ਅਜੈ ਜੁਨੇਜਾ ਵੱਲੋਂ ਸਿੰਘ ਸਭਾ ਨੂੰ ਵਿੱਤੀ ਸਹਿਯੋਗ ਦਿੱਤਾ ਗਿਆ ਤੇ ਵਿਕਟੋਰਾ ਫਾਊਂਡੇਸ਼ਨ ਦੇ ਮੁਖੀ ਹਰਦੀਪ ਸਿੰਘ ਬਾਂਗਾ ਵੱਲੋਂ ਲੰਗਰ ਸਮੇਤ ਹੋਰ ਕਾਰਜਾਂ ਵਿੱਚ ਪਾਏ ਯੋਗਦਾਨ ਦਾ ਭਰਵਾਂ ਜ਼ਿਕਰ ਕੀਤਾ ਗਿਆ। ਸਮਾਜ ਸੇਵੀ ਰਾਜਿੰਦਰ ਨਾਗਪਾਲ ਨੇ ਦੱਸਿਆ ਕਿ ਆਜ਼ਾਦੀ ਦਿਵਸ ਮੌਕੇ ਪ੍ਰਸ਼ਾਸਨ ਨੇ ਪ੍ਰਮਾਣ ਪੱਤਰ ਦੇ ਕੇ ਹੋਰ ਉਤਸ਼ਾਹ ਵਧਾਇਆ ਹੈ। ਸਿੰਘ ਸਭਾ ਦੀ ਜਨਰਲ ਸਕੱਤਰ ਰਾਣਾ ਭੱਟੀ ਨੇ ਦੱਸਿਆ ਕਿ ਆਉਣ ਵਾਲੇ ਸਮਾਗਮ ਵੀ ਕਰੋਨਾ ਮਹਾਮਾਰੀ ਦਾ ਧਿਆਨ ਰੱਖ ਕੇ ਹੀ ਉਲੀਕੇ ਜਾ ਰਹੇ ਹਨ। -ਪੱਤਰ ਪ੍ਰੇਰਕ