ਲੈਕਚਰਾਰ ਦਿਓਲ ਨੇ ਸੋਨ ਤਗਮਾ ਜਿੱਤਿਆ

ਧੂਰੀ: ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਮੀਮਸਾ ਦੇ ਲੈਕਚਰਾਰ ਕੇਵਲ ਸਿੰਘ ਦਿਓਲ ਨੇ ਖੇਡਾਂ ਵਤਨ ਪੰਜਾਬ ਦੀਆਂ-3 ਤਹਿਤ ਸੂਬਾ ਪੱਧਰ ’ਤੇ 41-50 ਸਾਲ ਉਮਰ ਵਰਗ ਵਾਲੀਬਾਲ ਦੇ ਅਮਰਗੜ੍ਹ ਵਿੱਚ ਹੋਏ ਮੁਕਾਬਲਿਆਂ ਵਿੱਚ ਜ਼ਿਲ੍ਹਾ ਸੰਗਰੂਰ ਵੱਲੋਂ ਖੇਡਦਿਆਂ ਸੋਨੇ ਦਾ ਤਗਮਾ ਜਿੱਤਿਆ। ਇਸ ਪ੍ਰਾਪਤੀ ਤੇ ਮੀਮਸਾ ਸਕੂਲ ਦੇ ਪ੍ਰਿੰਸੀਪਲ ਮਨਮਿੰਦਰ ਕੌਰ ਨੇ ਵਧਾਈ ਦਿੰਦਿਆਂ ਕਿਹਾ ਕਿ ਇਸ ਜਿੱਤ ਨਾਲ ਮੀਮਸਾ ਸਕੂਲ ਇਲਾਕੇ ਵਿਚ ਮਾਣ ਵਧਿਆ ਹੈ ਅਤੇ ਇਸ ਨਾਲ ਬੱਚਿਆਂ ਨੂੰ ਵੀ ਖੇਡਾਂ ਵਿਚ ਹਿੱਸਾ ਲੈਣ ਲਈ ਪ੍ਰੇਰਣਾ ਮਿਲੇਗੀ। ਕੇਵਲ ਸਿੰਘ ਦਿਓਲ ਨੇ ਮੀਮਸਾ ਨੇ ਕਿਹਾ ਕਿ ਉਹ ਹੋਰ ਸਖ਼ਤ ਮਿਹਨਤ ਕਰਕੇ ਭਵਿੱਖ ਵਿੱਚ ਹੋਰ ਵਿੱਚ ਚੰਗਾ ਪ੍ਰਦਰਸ਼ਨ ਕਰਨਗੇ। -ਖੇਤਰੀ ਪ੍ਰਤੀਨਿਧ