ਲਿਬਨਾਨ: ਇਜ਼ਰਾਇਲੀ ਹਵਾਈ ਹਮਲੇ ’ਚ 10 ਹਲਾਕ

ਬੈਰੂਤ, 4 ਨਵੰਬਰ
ਦੱਖਣੀ ਅਤੇ ਪੂਰਬੀ ਲਿਬਨਾਨ ਦੇ ਵੱਖ ਵੱਖ ਇਲਾਕਿਆਂ ’ਚ ਇਜ਼ਰਾਈਲ ਵੱਲੋਂ ਕੀਤੇ ਗਏ ਹਵਾਈ ਹਮਲਿਆਂ ’ਚ 10 ਵਿਅਕਤੀ ਹਲਾਕ ਅਤੇ 9 ਹੋਰ ਜ਼ਖ਼ਮੀ ਹੋ ਗਏ। ਉਧਰ ਇਜ਼ਰਾਇਲੀ ਫੌਜ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਦੱਖਣੀ ਲਿਬਨਾਨ ਦੇ ਅਲ-ਸੁਲਤਾਨਿਯਾਹ ਪਿੰਡ ’ਚ ਹਿਜ਼ਬੁੱਲਾ ਦੀ ਟੈਂਕ ਵਿਰੋਧੀ ਮਿਜ਼ਾਈਲ ਯੂਨਿਟ ਦੇ ਕਮਾਂਡਰ ਰਿਆਦ ਰਿਦਾ ਗ਼ਜ਼ਾਵੀ ਨੂੰ ਮਾਰ ਮੁਕਾਇਆ ਹੈ। ਲਿਬਨਾਨੀ ਸਿਵਲ ਡਿਫੈਂਸ ਦੇ ਇਕ ਸੂਤਰ ਨੇ ਕਿਹਾ ਕਿ ਇਜ਼ਰਾਈਲ ਵੱਲੋਂ ਸੈਦਾ ’ਚ ਕੀਤੇ ਗਏ ਹਮਲੇ ’ਚ ਤਿੰਨ ਵਿਅਕਤੀ ਮਾਰੇ ਗਏ। ਇਸੇ ਤਰ੍ਹਾਂ ਪੂਰਬੀ ਲਿਬਨਾਨ ਦੇ ਮਸ਼ਗ਼ਾਰਾ ਅਤੇ ਜਬਾਲ ਅਲ-ਬਾਤਮ ਕਸਬੇ ’ਚ ਹਮਲੇ ਦੌਰਾਨ ਪੰਜ ਆਮ ਨਾਗਰਿਕ ਹਲਾਕ ਹੋ ਗਏ। ਇਸ ਦੌਰਾਨ ਇਜ਼ਰਾਈਲ ਨੇ ਫਲਸਤੀਨੀ ਸ਼ਰਨਾਰਥੀਆਂ ਬਾਰੇ ਸੰਯੁਕਤ ਰਾਸ਼ਟਰ ਏਜੰਸੀ ਨਾਲ ਗਾਜ਼ਾ ’ਚ ਰਾਹਤ ਕਾਰਜ ਚਲਾਉਣ ਸਬੰਧੀ ਸਮਝੌਤੇ ਨੂੰ ਰੱਦ ਕਰ ਦਿੱਤਾ ਹੈ। -ਆਈਏਐੱਨਐੱਸ