ਸੁਪਰੀਮ ਕੋਰਟ ਵੱਲੋਂ ਇਤਿਹਾਸਕ ਫੈਸਲਿਆਂ ਦੇ ਸੰਖੇਪ ਵੇਰਵਿਆਂ ਨਾਲ ਵੈੱਬ ਪੇਜ ਸ਼ੁਰੂ

ਨਵੀਂ ਦਿੱਲੀ: ਸੁਪਰੀਮ ਕੋਰਟ ਨੇ ਆਪਣੇ ਮਹੱਤਵਪੂਰਨ ਫੈਸਲਿਆਂ ਦੇ ਸੰਖੇਵ ਵੇਰਵੇ ਮੁਹੱਈਆ ਕਰਵਾਉਣ ਲਈ ਇਕ ਨਵਾਂ ਵੈੱਬ ਪੇਜ ਸ਼ੁਰੂ ਕੀਤਾ ਹੈ। ਇਸ ਸਬੰਧੀ ਜਾਰੀ ਇਕ ਬਿਆਨ ਵਿੱਚ ਕਿਹਾ ਗਿਆ ਹੈ, ‘ਵੈੱਬ ਪੇਜ ‘ਲੈਂਡਮਾਰਕ ਜੱਜਮੈਂਟ ਸਮਰੀਜ਼’ ਨਾਗਰਿਕਾਂ ਨੂੰ ਜਾਣਕਾਰੀ ਦੇਣ, ਕਾਨੂੰਨੀ ਜਾਗਰੂਕਤਾ ਨੂੰ ਉਤਸ਼ਾਹਿਤ ਕਰਨ ਅਤੇ ਕਾਨੂੰਨ ਦੇ ਨਾਲ ਜਨਤਕ ਮੇਲ-ਜੋਲ ਵਧਾਉਣ ਦੇ ਅਦਾਲਤ ਦੇ ਵਿਆਪਕ ਟੀਚੇ ਮੁਤਾਬਕ ਸੁਪਰੀਮ ਕੋਰਟ ਦੇ ਮਹੱਤਵਪੂਰਨ ਫੈਸਲਿਆਂ ਨੂੰ ਸਮਝਣਾ ਆਸਾਨ ਬਣਾਉਂਦਾ ਹੈ।’ ਇਸ ਵਿੱਚ ਕਿਹਾ ਗਿਆ ਹੈ ਕਿ ਵੈੱਬ ਪੇਜ ’ਤੇ ਜਨਤਕ ਹਿੱਤ ਦੇ ਅਹਿਮ ਫੈਸਲਿਆਂ ਦੀ ਸਾਲ ਅਨੁਸਾਰ ਸੂਚੀ ਸ਼ਾਮਲ ਹੈ। -ਪੀਟੀਆਈ