ਭਾਜਪਾ ਵਰਕਰਾਂ ’ਤੇ ਲਾਠੀਚਾਰਜ: ਪਟਨਾ ਅਦਾਲਤ ਵਿੱਚ ਨਿਤੀਸ਼ ਤੇ ਤੇਜਸਵੀ ਖ਼ਿਲਾਫ਼ ਸ਼ਿਕਾਇਤ
07:34 AM Jul 17, 2023 IST
Tags :
ਪਟਨਾ, 16 ਜੁਲਾਈ
ਭਾਜਪਾ ਵਰਕਰਾਂ ’ਤੇ ਲਾਠੀਚਾਰਜ ਦੇ ਮਾਮਲੇ ਵਿੱਚ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ, ਉਨ੍ਹਾਂ ਦੇ ਡਿਪਟੀ ਤੇਜਸਵੀ ਯਾਦਵ ਸਣੇ ਚਾਰ ਹੋਰਨਾਂ ਖ਼ਿਲਾਫ਼ ਅਦਾਲਤ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਸ਼ਿਕਾਇਤ ਵਿੱਚ ਪਟਨਾ ਦੇ ਜ਼ਿਲ੍ਹਾ ਮੈਜਿਸਟ੍ਰੇਟ ਤੇ ਐਸਐਸਪੀ ਨੂੰ ਵੀ ਮੁਲਜ਼ਮਾਂ ਵਜੋਂ ਨਾਮਜ਼ਦ ਕੀਤਾ ਗਿਆ ਹੈ। ਇਹ ਸ਼ਿਕਾਇਤ ਸਿਆਸੀ ਕਾਰਕੁਨ ਕ੍ਰਿਸ਼ਨਾ ਸਿੰਘ, ਜੋ ਹਾਲ ਹੀ ’ਚ ਭਾਜਪਾ ਵਿੱਚ ਸ਼ਾਮਲ ਹੋਏ ਹਨ, ਨੇ ਦਰਜ ਕਰਵਾਈ ਹੈ। ਉਨ੍ਹਾਂ ਐਡਵੋਕੇਟ ਸੁਨੀਲ ਕੁਮਾਰ ਸਿੰਘ ਰਾਹੀਂ ਪਟਨਾ ਸਿਵਲ ਕੋਰਟ ਵਿੱਚ ਪਟੀਸ਼ਨ ਦਾਖ਼ਲ ਕੀਤੀ ਹੈ। ਐਡਵੋਕੇਟ ਸੁਨੀਲ ਕੁਮਾਰ ਸਿੰਘ ਨੇ ਕਿਹਾ,‘ਭਾਜਪਾ ਵਰਕਰਾਂ ਵੱਲੋਂ ਵੀਰਵਾਰ ਨੂੰ ਵਿਧਾਨ ਸਭਾ ਵੱਲ ਸ਼ਾਂਤੀਪੂਰਵਕ ਮਾਰਚ ਕੱਢਿਆ ਜਾ ਰਿਹਾ ਸੀ। ਇਸ ਦੇ ਬਾਵਜੂਦ ਪੁਲੀਸ ਨੇ ਸਿਖਰਲੇ ਅਹੁਦਿਆਂ ’ਤੇ ਤਾਇਨਾਤ ਵਿਅਕਤੀਆਂ ਦੀਆਂ ਹਦਾਇਤਾਂ ’ਤੇ ਲਾਠੀਚਾਰਜ ਕੀਤਾ। -ਪੀਟੀਆਈ
Advertisement
Advertisement
Related News
Advertisement