ਲਕਸ਼ੈ ਸੇਨ ਆਲ ਇੰਗਲੈਂਡ ਚੈਂਪੀਅਨਸ਼ਿਪ ਦੇ ਸੈਮੀਫਾਈਨਲ ’ਚ ਹਾਰਿਆ

ਬਰਮਿੰਘਮ: ਭਾਰਤੀ ਬੈਡਮਿੰਟਨ ਖਿਡਾਰੀ ਲਕਸ਼ੈ ਸੇਨ ਨੂੰ ਅੱਜ ਇੱਥੇ ਆਲ ਇੰਗਲੈਂਡ ਚੈਂਪੀਅਨਸ਼ਿਪ ਦੇ ਪੁਰਸ਼ ਸਿੰਗਲਜ਼ ਸੈਮੀਫਾਈਨਲ ਵਿੱਚ ਇੰਡੋਨੇਸ਼ੀਆ ਦੇ ਜੋਨਾਥਨ ਕ੍ਰਿਸਟੀ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਨਾਲ ਭਾਰਤ ਦੀ ਆਲ ਇੰਗਲੈਂਡ ਚੈਂਪੀਅਨਸ਼ਿਪ ਟਰਾਫੀ ਜਿੱਤਣ ਦੀ ਉਡੀਕ ਲੰਮੀ ਹੋ ਗਈ ਹੋ ਗਈ। ਲਕਸ਼ੈ ਸੇਨ ਸਾਲ 2022 ਵਿੱਚ ਇੱਥੇ ਉਪਜੇਤੂ ਰਿਹਾ ਸੀ। ਅੱਜ ਸੈਮੀਫਾਈਨਲ ਵਿੱਚ ਲਕਸ਼ੈ ਨੂੰ ਜੋਨਾਥਨ ਕ੍ਰਿਸਟੀ ਤੋਂ 21-12, 10-21, 15-21 ਨਾਲ ਹਾਰ ਨਸੀਬ ਹੋਈ। ਇਸ ਤੋਂ ਪਹਿਲਾਂ ਲਕਸ਼ੈ ਸੇਨ ਨੇ ਕੁਆਟਰ ਫਾਈਨਲ ਵਿੱਚ ਸਾਬਕਾ ਚੈਂਪੀਅਨ ਮਲੇਸ਼ੀਆ ਦੇ ਲੀ ਜੀ ਜੀਆ ਨੂੰ 20-22, 21-16, 21-19 ਨਾਲ ਹਰਾਇਆ ਸੀ। -ਪੀਟੀਆਈ