ਉੱਤਰੀ ਕਮਾਂਡ ਦੇ ਮੁਖੀ ਵੱਲੋਂ ਲੱਦਾਖ ਦਾ ਦੌਰਾ

ਲੇਹ: ਥਲ ਸੈਨਾ ਦੀ ਉੱਤਰੀ ਕਮਾਂਡ ਦੇ ਮੁਖੀ ਲੈਫ਼ਟੀਨੈਂਟ ਜਨਰਲ ਐੱਮਵੀ ਸੁਚਿੰਦਰਾ ਕੁਮਾਰ ਨੇ ਅੱਜ ਲੱਦਾਖ ਦਾ ਦੌਰਾ ਕਰਕੇ ਸਰਹੱਦੀ ਇਲਾਕਿਆਂ ’ਚ ਤਾਇਨਾਤ ਜਵਾਨਾਂ ਨਾਲ ਗੱਲਬਾਤ ਕੀਤੀ। ਊਧਮਪੁਰ ਆਧਾਰਿਤ ਉੱਤਰੀ ਕਮਾਂਡ ਦੇ ਜੀਓਸੀ ਨਾਲ ‘ਫਾਇਰ ਐਂਡ ਫਿਊਰੀ ਕੋਰ’ ਦੇ ਜਨਰਲ ਆਫ਼ਿਸਰ ਕਮਾਂਡਿੰਗ ਵੀ ਮੌਜੂਦ ਸਨ। ਥਲ ਸੈਨਾ ਨੇ ‘ਐਕਸ’ ’ਤੇ ਇਕ ਪੋਸਟ ’ਚ ਕਮਾਂਡਰ ਦੇ ਦੌਰੇ ਦੀਆਂ ਤਸਵੀਰਾਂ ਸਾਂਝੀ ਕਰਦਿਆਂ ਕਿਹਾ ਕਿ ਲੈਫ਼ਟੀਨੈਂਟ ਜਨਰਲ ਨੇ ਜਵਾਨਾਂ ਨਾਲ ਵਿਚਾਰ ਵਟਾਂਦਰਾ ਕਰਦਿਆਂ ਉਨ੍ਹਾਂ ਦੇ ਹਰ ਸਮੇਂ ਚੌਕਸ ਰਹਿਣ, ਹੌਸਲੇ ਅਤੇ ਉਤਸ਼ਾਹ ਦੀ ਸ਼ਲਾਘਾ ਕੀਤੀ। -ਪੀਟੀਆਈ