ਕੁਲਾਰਾਂ ਵਾਸੀ ਵਿਆਹੁਤਾ ਦੀ ਆਸਟਰੇਲਿਆ ਵਿੱਚ ਮੌਤ

ਨਿੱਜੀ ਪੱਤਰ ਪ੍ਰੇਰਕ
ਸਮਾਣਾ, 24 ਜਨਵਰੀ
ਪਿੰਡ ਕੁਲਾਰਾਂ ਦੀ ਨੂੰਹ ਅਤੇ ਪਿੰਡ ਗਾਜੇਵਾਸ ਦੀ ਧੀ ਕੁਲਦੀਪ ਕੌਰ ਦੀ ਅੱਜ ਆਸਟਰੇਲਿਆ ਦੇ ਅਲਵਰੀ ਸ਼ਹਿਰ ਵਿਚ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਕੁਲਦੀਪ ਕੌਰ 7 ਮਹੀਨੇ ਦੀ ਗਰਭਵਤੀ ਸੀ। ਜਿਵੇਂ ਹੀ ਇਹ ਖ਼ਬਰ ਪਰਿਵਾਰਕ ਮੈਂਬਰਾਂ ਤੱਕ ਪੁੱਜੀ ਤਾਂ ਦੋਵੇਂ ਪਰਿਵਾਰਾਂ ਵਿੱਚ ਸੋਗ ਛਾ ਗਿਆ। ਕੁਲਦੀਪ ਕੌਰ 36 ਪਤਨੀ ਜਗਤਾਰ ਸਿੰਘ ਦੇ ਚਾਚਾ ਸਹੁਰਾ ਤਰਲੋਕ ਸਿੰਘ ਵਾਸੀ ਪਿੰਡ ਕੁਲਾਰਾਂ ਨੇ ਦੱਸਿਆ ਕਿ ਕੁਲਦੀਪ ਕੌਰ 2009 ਵਿਚ ਕੰਮ ਦੀ ਤਲਾਸ਼ ਵਿੱਚ ਆਪਣੇ ਪਤੀ ਜਗਤਾਰ ਸਿੰਘ ਨਾਲ ਆਸਲਟਰੇਲੀਆ ਗਏ ਸਨ ਜਿੱਥੇ ਉਨ੍ਹਾਂ ਦੇ 2 ਲੜਕੀਆਂ ਹਨ ਜਿਨ੍ਹਾਂ ਵਿੱਚੋਂ 1 ਲੜਕੀ 12 ਸਾਲ ਦੀ ਅਤੇ ਇੱਕ ਲੜਕੀ 2 ਸਾਲ ਦੀ ਹੈ ਜਦਕਿ ਕੁਲਦੀਪ ਕੌਰ ਹੁਣ 7 ਮਹੀਨੇ ਦੀ ਗਰਭਵਤੀ ਸੀ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਅੱਜ ਫੋਨ ਆਇਆ ਕਿ ਕੁਲਦੀਪ ਕੌਰ ਨੂੰ ਅਚਾਨਕ ਹਾਰਟ ਅਟੈਕ ਆ ਗਿਆ ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।