ਕੁੱਕੀ ਸਮੂਹਾਂ ਨੇ ਮਨੀਪੁਰ ਵਿੱਚ ਐੱਨਐੱਚ-2 ਤੋਂ ਨਾਕਾ ਚੁੱਕਿਆ

ਗੁਹਾਟੀ, 2 ਜੁਲਾਈ

ਮਨੀਪੁਰ ਵਿੱਚ ਕੁੱਕੀ ਸਮੂਹਾਂ ਦੀਆਂ ਦੋ ਮੋਹਰੀ ਜਥੇਬੰਦੀਆਂ ਨੇ ਐਤਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੇ ਕਾਂਗਪੋਕਪੀ ਜ਼ਿਲ੍ਹੇ ਵਿੱਚ ਮਹੱਤਵਪੂਰਨ ਕੌਮੀ ਰਾਜਮਾਰਗ-2 ’ਤੇ ਦੋ ਮਹੀਨਿਆਂ ਤੋਂ ਚੱਲੀ ਰਹੀ ਨਾਕੇਬੰਦੀ ਨੂੰ ਹਟਾ ਦਿੱਤਾ ਹੈ। ਯੂਨਾਈਟਿਡ ਪੀਪਲਜ਼ ਫਰੰਟ (ਯੂਪੀਐੱਫ) ਅਤੇ ਕੁੱਕੀ ਨੈਸ਼ਨਲ ਆਰਗੇਨਾਈਜ਼ੇਸ਼ਨ (ਕੇਐੱਨਓ) ਨੇ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਵੱਲੋਂ ‘ਸ਼ਾਂਤੀ ਅਤੇ ਸਦਭਾਵਨਾ ਦੀ ਬਹਾਲੀ’ ਦੇ ਸੱਦੇ ਤੋਂ ਬਾਅਦ ਨਾਕੇਬੰਦੀ ਹਟਾ ਦਿੱਤੀ ਗਈ ਹੈ। ਇਹ ਦੋਵੇਂ ਜਥੇਬੰਦੀਆਂ ਸਾਬਕਾ ਖਾੜਕੂ ਗਰੁੱਪਾਂ ਦੀ ਨੁਮਾਇੰਦਗੀ ਕਰਦੀਆਂ ਹਨ ਜਿਨ੍ਹਾਂ ਨੇ ਆਪਣੀਆਂ ਗਤੀਵਿਧੀਆਂ ਨੂੰ ਮੁਅੱਤਲ ਕਰਨ ਲਈ ਸਰਕਾਰ ਨਾਲ ਸਮਝੌਤੇ ਕੀਤੇ ਹਨ। -ਪੀਟੀਆਈ