ਵੁਸ਼ੂ ਚੈਂਪੀਅਨਸ਼ਿਪ ਵਿੱਚ ਕੋਮਲਪ੍ਰੀਤ ਨੂੰ ਸੋਨ ਤਗ਼ਮਾ

ਸ਼ਾਹਕੋਟ: ਰਾਂਚੀ ਵਿੱਚ ਹੋਈ ਕੌਮੀ ਵੁਸ਼ੂ ਸੀਨੀਅਰ ਚੈਪੀਅਨਸ਼ਿਪ ’ਚ ਸ਼ਾਹਕੋਟ ਦੀ ਦਿਵਿਆਂਗ ਲੜਕੀ ਕੋਮਲਪ੍ਰੀਤ ਨੇ ਸੋਨ ਤਗ਼ਮਾ ਜਿੱਤ ਕੇ ਸ਼ਾਹਕੋਟ ਅਤੇ ਸੂਬੇ ਦਾ ਨਾਮ ਚਮਕਾਇਆ ਹੈ। ਇਸ ਸਬੰਧੀ ਕਰਾਟੇ ਕੋਚ ਗੌਰਵ ਸ਼ਰਮਾ ਨੇ ਦੱਸਿਆ ਕਿ ਤਗ਼ਮਾ ਜੇਤੂ ਖਿਡਾਰਨ ਦਾ ਸ਼ਾਹਕੋਟ ਪਹੁੰਚਣ ’ਤੇ ਭਰਵਾਂ ਸਵਾਗਤ ਕੀਤਾ ਜਾਵੇਗਾ। ਉਨ੍ਹਾਂ ਸਮਾਜ ਸੇਵੀ ਸੰਸਥਾਵਾਂ ਤੇ ਧਾਰਮਿਕ, ਸਮਾਜਿਕ ਅਤੇ ਰਾਜਨੀਤਿਕ ਆਗੂਆਂ ਨੂੰ ਖਿਡਾਰਨ ਦੀ ਮਦਦ ਦੀ ਅਪੀਲ ਕੀਤੀ। -ਪੱਤਰ ਪ੍ਰੇਰਕ