ਕਿਸ਼ਤਵਾੜ: ਘਰ ’ਚ ਅੱਗ ਲੱਗਣ ਕਾਰਨ ਮਹਿਲਾ ਤੇ ਦੋ ਬੱਚਿਆਂ ਦੀ ਮੌਤ

ਜੰਮੂ:

ਜੰਮੂ ਕਸ਼ਮੀਰ ਦੇ ਕਿਸ਼ਤਵਾੜ ਜ਼ਿਲ੍ਹੇ ’ਚ ਅੱਜ ਤੜਕੇ ਇੱਕ ਮਕਾਨ ’ਚ ਅੱਗ ਲੱਗਣ ਕਾਰਨ ਇੱਕ ਮਹਿਲਾ ਤੇ ਉਸ ਦੇ ਦੋ ਬੱਚਿਆਂ ਦੀ ਮੌਤ ਹੋ ਗਈ। ਪੁਲੀਸ ਨੇ ਦੱਸਿਆ ਕਿ ਮ੍ਰਿਤਕਾਂ ਦੀ ਪਛਾਣ ਨਾਜ਼ੀਆ ਬੇਗਮ, ਉਸ ਦੀ ਧੀ ਅਮੀਨਾ ਤੇ ਪੁੱਤਰ ਰਿਜ਼ਵਾਨ ਵਜੋਂ ਹੋਈ ਹੈ। ਪੁਲੀਸ ਅਨੁਸਾਰ ਦਰਬਸ਼ਾਲ ਦੇ ਬਦਹਾਤ-ਜਸ਼ਰ ਪਿੰਡ ’ਚ ਖੁਰਸ਼ੀਦ ਅਹਿਮਦ ਦੇ ਘਰ ਤੜਕੇ ਚਾਰ ਵਜੇ ਦੇ ਕਰੀਬ ਅੱਗ ਲੱਗ ਗਈ ਜਿਸ ’ਚ ਉਸ ਦੀ ਪਤਨੀ ਤੇ ਦੋ ਬੱਚੇ ਫਸ ਗਏ। ਘਟਨਾ ਸਮੇਂ ਉਹ ਘਰ ’ਚ ਸੌਂ ਰਹੇ ਸਨ। ਪੁਲੀਸ ਨੇ ਦੱਸਿਆ ਕਿ ਲੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ। -ਪੀਟੀਆਈ