ਕਾਂਗਰਸ ਦੇ ਹਲਕਾ ਇੰਚਾਰਜ ਵੱਲੋਂ ਖਿਜ਼ਰਾਬਾਦ ਮੰਡੀ ਦਾ ਦੌਰਾ

ਕੁਰਾਲੀ:

ਕਾਂਗਰਸ ਦੇ ਹਲਕਾ ਖਰੜ ਦੇ ਇੰਚਾਰਜ ਵਿਜੇ ਸ਼ਰਮਾ ਟਿੰਕੂ ਨੇ ਖਿਜ਼ਬਾਰਾਦ ਦੀ ਅਨਾਜ ਮੰਡੀ ਦਾ ਦੌਰਾ ਕਰਦਿਆਂ ਕਿਸਾਨਾਂ ਅਤੇ ਆੜ੍ਹਤੀਆਂ ਨਾਲ ਗੱਲਬਾਤ ਕੀਤੀ। ਇਸ ਮੌਕੇ ਸ੍ਰੀ ਟਿੰਕੂ ਨੇ ਝੋਨੇ ਦੀ ਖਰੀਦ ਨੂੰ ਲੈ ਕੇ ‘ਆਪ’ ਸਰਕਾਰ ਦੇ ਪ੍ਰਬੰਧਾਂ ਦੀ ਨਿਖੇਧੀ ਕੀਤੀ। ਖਿਜਰਾਬਾਦ ਮੰਡੀ ਦੇ ਦੌਰੇ ਸਮੇਂ ਕਿਸਾਨਾਂ ਦਲਵੀਰ ਸਿੰਘ ਤੱਕੀਪੁਰ, ਕੇਸਰ ਸਿੰਘ ਨਗਲੀਆਂ, ਤਾਰਾ ਚੰਦ ਗੋਚਰ, ਜਸਪ੍ਰੀਤ ਸਿੰਘ, ਗਰਤਾਜ ਸਿੰਘ ਮੀਆਂਪੁਰ ਚੰਗਰ ਆਦਿ ਨੇ ਆਪਣੀਆਂ ਸਮੱਸਿਆਵਾਂ ਕਾਂਗਰਸੀ ਆਗੂ ਨੂੰ ਦੱਸੀਆਂ। ਇਸ ਮੌਕੇ ਸ੍ਰੀ ਟਿੰਕੂ ਨੇ ਕਿਹਾ ਕਿ ‘ਆਪ’ ਸਰਕਾਰ ਹਰ ਫ਼ਰੰਟ ’ਤੇ ਫੇਲ੍ਹ ਹੋ ਚੁੱਕੀ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਲੋਕ ਹੁਣ ਕਾਂਗਰਸ ਦੇ ਰਾਜ ਨੂੰ ਯਾਦ ਰਹੇ ਹਨ। ਇਸੇ ਦੌਰਾਨ ਸ੍ਰੀ ਟਿੰਕੂ ਨੇ ਮੰਡੀਆਂ ਵਿੱਚ ਰੁਲ ਰਹੇ ਕਿਸਾਨਾਂ ਦੀ ਹਰ ਸੰਭਵ ਮਦਦ ਦਾ ਭਰੋਸਾ ਦਿੰਦਿਆਂ ਕਿਹਾ ਕਿ ਉਹ ਅਤੇ ਉਨ੍ਹਾਂ ਦੀ ਪਾਰਟੀ ਕਿਸਾਨਾਂ ਨਾਲ ਡੱਟ ਕੇ ਖੜ੍ਹੀ ਹੈ। ਇਸ ਮੌਕੇ ਨਵੀਨ ਬਾਂਸਲ, ਹਰਨੇਕ ਸਿੰਘ, ਰਾਮ ਸਿੰਘ, ਤਰੁਨ ਬਾਂਸਲ ਆਦਿ ਆਗੂ ਹਾਜ਼ਰ ਸਨ। -ਪੱ਼ਤਰ ਪ੍ਰੇਰਕ