ਕੇਵਲਜੀਤ ਭੁੱਲਰ ਪ੍ਰਧਾਨ ਅਤੇ ਗੰਗਾ ਰਾਮ ਸਰਪ੍ਰਸਤ ਬਣੇ

ਜਗਜੀਤ ਕੁਮਾਰ
ਖਮਾਣੋ, 21 ਨਵੰਬਰ
ਆੜ੍ਹਤੀ ਐਸੋਸੀਏਸ਼ਨ ਖਮਾਣੋ ਦੀ ਇਕੱਤਰਤਾ ਮਾਰਕੀਟ ਕਮੇਟੀ ਦਫ਼ਤਰ ਖਮਾਣੋ ਵਿੱਚ ਹੋਈ। ਇਸ ਮੌਕੇ ਐਸੋਸੀਏਸ਼ਨ ਦੀ ਚੋਣ ਵਿੱਚ ਸਮੂਹ ਆੜ੍ਹਤੀਆਂ ਵੱਲੋਂ ਕੇਵਲਜੀਤ ਸਿੰਘ ਭੁੱਲਰ ਨੂੰ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਆੜ੍ਹਤੀ ਗੰਗਾ ਰਾਮ ਨੂੰ ਸਰਪ੍ਰਸਤ, ਗੁਰਦੇਵ ਸਿੰਘ ਨੂੰ ਖਜਾਨਚੀ ਅਤੇ ਬਲਵੰਤ ਸਿੰਘ ਗਿੱਲ, ਤੇਜਿੰਦਰ ਸਿੰਘ ਭਾਂਬਰੀ, ਮਨੋਜ ਭਾਰਦਵਾਜ, ਸੁਰਮੁਖ ਸਿੰਘ ਕਲੇਰ, ਪਰਮਵੀਰ ਸਿੰਘ ਮੱਲ ਮਾਜਰਾ, ਸਵਨਦੀਪ ਸਿੰਘ ਪੱਡਾ ਅਤੇ ਸੌਦਾਗਰ ਸਿੰਘ ਭੰਗੂ ਨੂੰ ਮੈਂਬਰ ਚੁਣਿਆ ਗਿਆ। ਸ੍ਰੀ ਭੁੱਲਰ ਨੇ ਕਿਹਾ ਕਿ ਉਹ ਆਪਣੀ ਇਸ ਜ਼ਿੰਮੇਵਾਰੀ ਨੂੰ ਪੂਰੀ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਨਿਭਾਉਣਗੇ ਅਤੇ ਸਮੂਹ ਆੜ੍ਹਤੀਆਂ ਦੇ ਸਹਿਯੋਗ ਨਾਲ ਮੁਸ਼ਕਲਾਂ ਹੱਲ ਕਰਨ ਸਬੰਧੀ ਯਤਨ ਕਰਨਗੇ। ਉਨ੍ਹਾਂ ਖਮਾਣੋ ਦਾਣਾ ਮੰਡੀ ਦੇ ਸਮੂਹ ਆੜ੍ਹਤੀਆਂ ਤੋਂ ਸਹਿਯੋਗ ਦੀ ਮੰਗ ਕੀਤੀ। ਇਸ ਮੌਕੇ ਸ੍ਰੀ ਭੁੱਲਰ ਅਤੇ ਸਰਪ੍ਰਸਤ ਗੰਗਾ ਰਾਮ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸੁਰਿੰਦਰ ਸਿੰਘ ਰਾਮਗੜ੍ਹ, ਸੁਰਮਖ ਸਿੰਘ ਕਲੇਰ, ਕੁਲਵੰਤ ਸਿੰਘ ਢਿੱਲੋਂ, ਸੁਖਦੇਵ ਸਿੰਘ ਸੁੱਖਾ ਚੜੀ, ਸੇਵਾ ਸਿੰਘ ਅਮਰਾਲੀ, ਮੇਵਾ ਸਿੰਘ ਧਨੌਲਾ ਅਤੇ ਤਜਿੰਦਰ ਸਿੰਘ ਸੇਖੋਂ ਆਦਿ ਹਾਜ਼ਰ ਸਨ।