ਕਿਦਾਰ ਅਦਬੀ ਟਰੱਸਟ ਵੱਲੋਂ ਕਵੀ ਦਰਬਾਰ

ਪੱਤਰ ਪ੍ਰੇਰਕ
ਪੰਚਕੂਲਾ, 9 ਜੁਲਾਈ
ਕਿਦਾਰ ਅਦਬੀ ਟਰੱਸਟ ਵੱਲੋਂ ਜੁਲਾਈ ਮਹੀਨੇ ਦਾ ਸਭਰਾਸ ਕਵੀ ਦਰਬਾਰ ਆਨਲਾਈਨ ਕਰਵਾਇਆ ਗਿਆ। ਇਸ ਵਿੱਚ ਟ੍ਰਾਈਸਿਟੀ ਅਤੇ ਦੇਸ਼-ਵਿਦੇਸ਼ ਦੇ ਸਾਹਿਤਕਾਰਾਂ ਨੇ ਆਪੋ-ਆਪਣੀਆਂ ਰਚਨਾਵਾਂ ਰਾਹੀਂ ਹਾਜ਼ਰੀ ਲਗਵਾਈ। ਪ੍ਰੋਗਰਾਮ ਦੀ ਸ਼ੁਰੂਆਤ ਡਿਜ਼ੀਟਲ ਲੈਂਪ ਲਾਈਟਿੰਗ ਅਤੇ ਸਰਸਵਤੀ ਵੰਦਨਾ ਨਾਲ ਕੀਤੀ ਗਈ। ਇਸ ਸਮਾਗਮ ਵਿੱਚ ਹਿੱਸਾ ਲੈਣ ਵਾਲੇ ਰਚਨਾਕਾਰਾਂ ਵਿੱਚ ਕੈਨੇਡਾ ਤੋਂ ਪ੍ਰੇਮ ਵਿੱਜ, ਸੰਤੋਸ਼ ਗਰਗ, ਸਰਦਾਰੀ ਲਾਲ ਧਵਨ, ਸੋਮੇਸ਼, ਸੁਰਜੀਤ ਸਿੰਘ ਧੀਰ, ਸੁਦੇਸ਼ ਮੌਦਗਿਲ ਨੂਰ, ਸ਼ਸ਼ੀ ਬਾਲਾ, ਅਸ਼ਵਨੀ ਕੁਮਾਰ ਮਲਹੋਤਰਾ, ਪੂਜਾ ਤਿਆਗੀ, ਨੀਰਜਾ ਸ਼ਰਮਾ, ਨੀਰੂ ਮਿੱਤਲ, ਗਣੇਸ਼ ਦੱਤ ਆਦਿ ਸ਼ਾਮਲ ਸਨ।