ਪੰਜਾਬੀ ਸਾਹਿਤ ਸਭਾ ਵੱਲੋਂ ਕਵੀ ਦਰਬਾ

ਪੱਤਰ ਪ੍ਰੇਰਕ
ਪਟਿਆਲਾ, 9 ਸਤੰਬਰ
ਪੰਜਾਬੀ ਸਾਹਿਤ ਸਭਾ ਨੇ ਭਾਸ਼ਾ ਵਿਭਾਗ ਪੰਜਾਬ ਦੇ ਲੈਕਚਰ ਹਾਲ ਵਿਚ ਕਵੀ ਦਰਬਾਰ ਕਰਵਾਇਆ, ਜਿਸ ਵਿੱਚ ਕਵੀਆਂ ਨੇ ਆਪਣੀਆਂ ਰਚਨਾਵਾਂ ਪੇਸ਼ ਕੀਤੀਆਂ। ਇਸ ਮੌਕੇ ਸਭਾ ਦੇ ਪ੍ਰਧਾਨ ਡਾ. ਦਰਸ਼ਨ ਸਿੰਘ ਆਸ਼ਟ ਨੇ ਕਿਹਾ ਕਿ ਸਾਹਿਤ ਸਭਾਵਾਂ ਦਾ ਕੰਮ ਨਵੀਆਂ ਕਲਮਾਂ ਪੈਦਾ ਕਰਨਾ ਹੁੰਦਾ ਹੈ, ਇਹ ਕੰਮ ਪੰਜਾਬੀ ਸਾਹਿਤ ਸਭਾ ਪਟਿਆਲਾ ਦਹਾਕਿਆਂ ਤੋਂ ਕਰਦੀ ਆ ਰਹੀ ਹੈ। ਕਵੀ ਦਰਬਾਰ ਵਿਚ ਬਲਬੀਰ ਸਿੰਘ ਦਿਲਦਾਰ, ਅਨਹਦ, ਹਰਬੰਸ ਸਿੰਘ ਸ਼ਾਨ ਬਗਲੀਕਲਾਂ, ਗੁਰੀ ਤੁਰਮਰੀ, ਕਿਰਨਦੀਪ ਸਿੰਘ ਕੁਲਾਰ, ਨਰੇਸ਼ ਨਿਮਾਣਾ, ਸੁਖਵਿੰਦਰ ਸਿੰਘ ਭਾਦਲਾ, ਰਾਜੇਸ਼ਵਰ ਕੁਮਾਰ, ਜਲ ਸਿੰਘ, ਅਮਰਜੀਤ ਸਿੰਘ ਵਾਲੀਆ ਤੇ ਪ੍ਰਿੰਸੀਪਲ ਜਰਨੈਲ ਸਿੰਘ ਆਦਿ ਨੇ ਆਪਣੀਆਂ ਰਚਨਾਵਾਂ ਸੁਣਾ ਕੇ ਦਰਸ਼ਕਾਂ ਨੂੰ ਕੀਲ ਕੇ ਰੱਖ ਦਿੱਤਾ। ਸਮਾਗਮ ਵਿਚ ਨਵਪ੍ਰੀਤ ਕੌਰ, ਹਰਬੰਸ ਸਿੰਘ ਮਾਨਕਪੁਰੀ, ਲਖਵੀਰ ਸਿੰਘ, ਐਡਵੋਕੇਟ ਸਿਮਰਨਜੀਤ ਸਿੰਘ ਮਾਨ, ਗੋਪਾਲ ਸ਼ਰਮਾ ਸਮਾਣਾ, ਹਿੰਮਤ ਸਿੰਘ ਚਾਹਲ, ਇਸ਼ਿਵੰਦਰ ਸਿੰਘ ਤੇ ਰਾਜੇਸ਼ ਕੋਟੀਆ ਆਦਿ ਹਾਜ਼ਰ ਸਨ।