ਕੈਟਰੀਨਾ ਨੂੰ ‘ਉੜੀ’ ’ਚ ਮੇਰੀ ਅਦਾਕਾਰੀ ਚੰਗੀ ਲੱਗੀ: ਵਿੱਕੀ ਕੌਸ਼ਲ

ਮੁੰਬਈ: ਅਦਾਕਾਰ ਵਿੱਕੀ ਕੌਸ਼ਲ ਆਪਣੀ ਆਉਣ ਵਾਲੀ ਫ਼ਿਲਮ ‘ਦਿ ਗ੍ਰੇਟ ਇੰਡੀਅਨ ਫੈਮਿਲੀ’ ਲਈ ਬਹੁਤ ਉਤਸ਼ਾਹਿਤ ਹੈ। ਇਹ ਯਸ਼ਰਾਜ ਬੈਨਰ ਨਾਲ ਉਸ ਦੀ ਪਹਿਲੀ ਫ਼ਿਲਮ ਹੈ। ਵਿੱਕੀ ਫ਼ਿਲਮ ਵਿੱਚ ਇੱਕ ਛੋਟੇ ਜਿਹੇ ਸ਼ਹਿਰ ਦੇ ਹਿੰਦੂ ਭਾਈਚਾਰੇ ਨਾਲ ਸਬੰਧਤ ਵਿਅਕਤੀ ਦਾ ਕਿਰਦਾਰ ਨਿਭਾਉਂਦਾ ਨਜ਼ਰ ਆਵੇਗਾ। ਵਿੱਕੀ ਨੇ ਇਸ ਦੌਰਾਨ ਫ਼ਿਲਮ ਅਤੇ ਆਪਣੀ ਪਤਨੀ ਕੈਟਰੀਨਾ ਦੇ ਪਸੰਦੀਦਾ ਕੰਮ ਬਾਰੇ ਵੀ ਗੱਲਬਾਤ ਕੀਤੀ। ਕੈਟਰੀਨਾ ਨੇ ਯਸ਼ਰਾਜ ਲਈ ਕਈ ਫ਼ਿਲਮਾਂ ਕੀਤੀਆਂ ਹਨ ਅਤੇ ਵਿੱਕੀ ਦੀ ਯਸ਼ਰਾਜ ਨਾਲ ਇਹ ਪਹਿਲੀ ਫ਼ਿਲਮ ਹੈ। ਵਿੱਕੀ ਨੇ ਕੈਟਰੀਨਾ ਬਾਰੇ ਕਿਹਾ ਕਿ ਉਹ ਫ਼ਿਲਮ ‘ਉੜੀ’ ਵਿੱਚ ਉਸ ਦੀ ਭੂਮਿਕਾ ਨੂੰ ਪਸੰਦ ਕਰਦੀ ਹੈ ਤੇ ਉਹ ‘ਜ਼ੀਰੋ’ ਫ਼ਿਲਮ ਵਾਲੀ ਉਸ ਦੀ ਭੂਮਿਕਾ ਨੂੰ ਪਿਆਰ ਕਰਦਾ ਹੈ। ਇਹ ਫ਼ਿਲਮ 22 ਸਤੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। -ਆਈਏਐੱਨਐੱਸ