ਕਰੀਨਾ ਕਪੂਰ ਨੇ ਸੈਫ਼ ਅਲੀ ਖ਼ਾਨ ਨਾਲ ‘ਹੈਲੋਵੀਨ’ ਮਨਾਇਆ

ਮੁੰਬਈ:
ਬੌਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਆਪਣੇ ਪਰਿਵਾਰ ਨਾਲ ਖਾਸ ਪਲ ਸਾਂਝੇ ਕਰਨ ਤੋਂ ਕਦੇ ਵੀ ਨਹੀਂ ਖੁੰਝਦੀ। ਉਸ ਨੇ ਹਾਲ ਹੀ ਵਿੱਚ ਆਪਣੇ ਪਤੀ ਸੈਫ਼ ਅਲੀ ਖ਼ਾਨ ਨਾਲ ‘ਹੈਲੋਵੀਨ’ ਜਸ਼ਨਾਂ ਦੀ ਤਸਵੀਰ ਇੰਸਟਾਗ੍ਰਾਮ ਸਟੋਰੀਜ਼ ’ਤੇ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ‘ਹੈਲੋਵੀਨ’ ਪਾਰਟੀ ਵਿੱਚ ਦਾਖਲ ਹੁੰਦਾ ਦਿਖਾਈ ਦੇ ਰਿਹਾ ਸੀ। ਇਸ ਪਾਰਟੀ ਵਿੱਚ ਮੱਧਮ ਰੋਸ਼ਨੀ ਕਾਰਨ ਉਸ ਦੀ ਦਿੱਖ ਸੱਪਸ਼ਟ ਦਿਖਾਈ ਨਹੀਂ ਦੇ ਰਹੀ ਸੀ, ਜਿਸ ਕਾਰਨ ਉਸ ਦੀ ਐਂਟਰੀ ਰਹੱਸਮਈ ਜਾਪੀ। ਕਰੀਨਾ ਨੇ ਇਸ ਦੀ ਕੈਪਸ਼ਨ ਵਿੱਚ ਲਿਖਿਆ ਹੈ, ‘ਅਰੇ ਆਜ ‘ਹੈਲੋਵੀਨ’ ਵੀ ਹੈ ਨਾ।’ ਇਸ ਤੋਂ ਇਲਾਵਾ ਕਰੀਨਾ ਨੇ ਦੀਵਾਲੀ ਮੌਕੇ ਵੀ ਤਸਵੀਰ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕੀਤੀ ਹੈ। ਇਸ ਤਸਵੀਰ ਰਾਹੀਂ ਕਰੀਨਾ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਦੀਵਾਲੀ ਦੀ ਵਧਾਈ ਵੀ ਦਿੱਤੀ ਹੈ। ਇਸ ਤਸਵੀਰ ਵਿੱਚ ਕਰੀਨਾ ਪ੍ਰਿੰਟਿੰਡ ਕਾਫ਼ਤਾਂ ਵਿੱਚ ਪੋਜ਼ ਦੇ ਰਹੀ ਹੈ। ਇਸ ਮੌਕੇ ਉਸ ਨੇ ਲਾਲ ਬੇਸਬਾਲ ਕੈਪ ਪਾਈ ਹੋਈ ਹੈ ਤੇ ਐਨਕਾਂ ਲਾਈਆਂ ਹੋਈਆਂ ਹਨ। ਇਸ ਪੋਸਟ ਦੀ ਕੈਪਸ਼ਨ ਵਿੱਚ ਉਸ ਨੇ ਲਿਖਿਆ, ‘ਸੁਪਨੇ ਦੇਖਣ ਦੀ ਹਿੰਮਤ ਕਰੋ...ਅੱਗੇ ਦੇਖੋ...ਆਪਣੀ ਸਿਹਤ ਦਾ ਖਿਆਲ ਰੱਖੋ ...ਰੋਸ਼ਨੀ ਮਹਿਸੂਸ ਕਰੋ...ਹੈਪੀ ਦੀਵਾਲੀ ਦੋਸਤੋ।#2024।’ -ਏਐੱਨਆਈ