ਪੱਤਰਕਾਰ ਵੇਦ ਤਾਇਲ ਦਾ ਦੇਹਾਂਤ

ਪੱਤਰ ਪ੍ਰੇਰਕ
ਭੀਖੀ, 3 ਨਵੰਬਰ
ਇਥੋਂ ਜੱਗਬਾਣੀ ਅਖ਼ਬਾਰ ਦੇ ਪੱਤਰਕਾਰ ਵੇਦ ਤਾਇਲ (55) ਦਾ ਬੀਤੀ ਰਾਤ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ। ਉਨ੍ਹਾਂ ਨੇ ਪੱਤਰਕਾਰੀ ਦੇ ਖੇਤਰ ਵਿੱਚ ਲਗਪਗ 30 ਸਾਲ ਸੇਵਾਵਾਂ ਨਿਭਾਈਆਂ ਅਤੇ ਉਹ ਕਈ ਹੋਰ ਸੰਸਥਾਵਾਂ ਨਾਲ ਵੀ ਜੁੜੇ ਹੋਏ ਸਨ। ਉਹ ਪ੍ਰੈੱਸ ਕਲੱਬ ਭੀਖੀ ਦੇ ਲੰਬਾ ਸਮਾਂ ਪ੍ਰਧਾਨ ਰਹੇ। ਪ੍ਰੈੱਸ ਕਲੱਬ ਭੀਖੀ, ਨਵਯੁਗ ਸਾਹਿਤ ਕਲਾ ਮੰਚ‌, ਸ਼ਿਵ ਮੰਦਰ ਕਮੇਟੀ, ਰਾਮ ਨਾਟਕ ਕਲੱਬ ਅਤੇ ਹਨੂਮਾਨ ਕਮੇਟੀ ਵੱਲੋਂ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ।