ਝਾਰਖੰਡ: ਮੁਕਾਬਲੇ ’ਚ ਸੁਰੱਖਿਆ ਦਸਤਿਆਂ ਨੇ ਔਰਤ ਸਣੇ 5 ਮਾਓਵਾਦੀ ਮਾਰੇ

ਚਾਈਬਾਸਾ (ਝਾਰਖੰਡ), 17 ਜੂਨ
ਝਾਰਖੰਡ ਦੇ ਪੱਛਮੀ ਸਿੰਘਭੂਮ ਜ਼ਿਲ੍ਹੇ ਵਿਚ ਅੱਜ ਸਵੇਰੇ ਪੁਲੀਸ ਨਾਲ ਮੁਕਾਬਲੇ ਵਿਚ ਇਕ ਔਰਤ ਸਮੇਤ ਘੱਟੋ-ਘੱਟ ਪੰਜ ਮਾਓਵਾਦੀ ਮਾਰੇ ਗਏ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਮੁਕਾਬਲਾ ਟੋਂਟੋ ਅਤੇ ਗੋਇਲਕੇਰਾ ਖੇਤਰਾਂ ਵਿੱਚ ਹੋਇਆ। ਝਾਰਖੰਡ ਪੁਲੀਸ ਦੇ ਬੁਲਾਰੇ ਅਤੇ ਇੰਸਪੈਕਟਰ ਜਨਰਲ (ਅਪਰੇਸ਼ਨ) ਅਮੋਲ ਵੀ. ਹੋਮਕਰ ਨੇ ਦੱਸਿਆ, ‘ਮੁਕਾਬਲੇ ਵਿੱਚ ਚਾਰ ਮਾਓਵਾਦੀ ਮਾਰੇ ਗਏ, ਜਦੋਂ ਕਿ ਦੋ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।’