ਝਾਰਖੰਡ ਪੁਲੀਸ ਨੇ 5.58 ਕਰੋੜ ਰੁਪਏ ਤੋਂ ਵੱਧ ਕੀਮਤ ਦੀ 37.23 ਕੁਇੰਟਲ ਅਫੀਮ ਜ਼ਬਤ ਕੀਤੀ

ਚਾਈਬਾਸਾ, 22 ਮਈ
ਝਾਰਖੰਡ ਦੇ ਪੱਛਮੀ ਸਿੰਘਭੂਮ ਜ਼ਿਲ੍ਹੇ ਵਿੱਚ ਪੁਲੀਸ ਨੇ 5.58 ਕਰੋੜ ਰੁਪਏ ਤੋਂ ਵੱਧ ਕੀਮਤ ਦੀ 37.23 ਕੁਇੰਟਲ ਅਫੀਮ ਜ਼ਬਤ ਕੀਤੀ ਹੈ। ਅਫੀਮ ਨਾਲ ਭਰਿਆ ਟਰੱਕ ਪੱਛਮੀ ਸਿੰਘਭੂਮ ਜ਼ਿਲ੍ਹੇ ਦੇ ਚੱਕਰਧਰਪੁਰ ਤੋਂ ਚਾਈਬਾਸਾ ਵੱਲ ਜਾ ਰਿਹਾ ਸੀ। ਇਸ ਦੀ ਸੂਹ ਮਿਲਣ ’ਤੇ ਪੁਲੀਸ ਨੇ ਟੀਮ ਬਣਾਈ ਤੇ ਵਾਹਨਾਂ ਦੀ ਚੈਕਿੰਗ ਸ਼ੁਰੂ ਕੀਤੀ। ਇਸ ਦੌਰਾਨ ਡਰਾਈਵਰ ਅਤੇ ਉਸ ਦੇ ਸਹਾਇਕ ਨੇ ਪੁਲੀਸ ਟੀਮ ਨੂੰ ਦੇਖ ਕੇ ਆਪਣੀ ਕੰਟੇਨਰ ਗੱਡੀ ਰੋਕੀ ਤੇ ਫਰਾਰ ਹੋ ਗਏ। ਜਾਂਚ ਤੋਂ ਬਾਅਦ ਪੁਲੀਸ ਨੇ 186 ਬੋਰੀਆਂ ਵਿੱਚ ਪੈਕ ਕੀਤੀ 3723 ਕਿਲੋ ਅਫੀਮ ਤੋਂ ਇਲਾਵਾ ਦੋ ਮੋਬਾਈਲ ਫੋਨ ਦੋ ਆਧਾਰ ਕਾਰਡ ਅਤੇ ਡਰਾਈਵਿੰਗ ਲਾਇਸੈਂਸ ਬਰਾਮਦ ਕੀਤਾ ਹੈ।