ਖੋਖਰ ਕਲਾਂ ਵਿੱਚ ਜੀਪ ਦਾ ਚਾਲਕ ਲਾਪਤਾ

ਲਹਿਰਾਗਾਗਾ: ਪਿੰਡ ਖੋਖਰ ਕਲਾਂ ਦਾ ਕੁਲਵਿੰਦਰ ਸਿੰਘ ਗੱਗੀ 8 ਨਵੰਬਰ ਤੋਂ ਲਾਪਤਾ ਹੈ। ਐੱਸਐੱਚਓ ਇੰਸਪੈਕਟਰ ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਉਸ ਦੇ ਪਿਤਾ ਤਰਸੇਮ ਸਿੰਘ ਪੁੱਤਰ ਹਰਨੇਕ ਸਿੰਘ ਵਾਸੀ ਖੋਖਰ ਕਲਾਂ ਨੇ ਪੁਲੀਸ ਨੂੰ ਸ਼ਿਕਾਇਤ ਕੀਤੀ ਕਿ ਉਸ ਦੇ ਲੜਕੇ ਕੁਲਵਿੰਦਰ ਸਿੰਘ ਉਰਫ ਗੱਗੀ ਨੇ ਭਾਰਤ ਮੈਟ ਫੈਕਟਰੀ ਸੁਨਾਮ ਰੋਡ ਛਾਜਲੀ ਵਿੱਚ ਆਪਣੀ ਬੋਲੈਰੋ ਜੀਪ ਲਾਈ ਹੋਈ ਹੈ। ਉਹ 8 ਤਰੀਕ ਨੂੰ ਸਵੇਰੇ ਘਰੋਂ ਫੈਕਟਰੀ ਗਿਆ ਸੀ। ਦੁਪਹਿਰ ਵੇਲੇ ਉਸ ਨੂੰ ਪਤਾ ਲੱਗਾ ਕਿ ਕੁਲਵਿੰਦਰ ਫੈਕਟਰੀ ਨਹੀਂ ਪਹੁੰਚਿਆ। ਉਸ ਨੇ ਦੱਸਿਆ ਕਿ ਉਹ ਹਾਲੇ ਤੱਕ ਘਰ ਵੀ ਵਾਪਸ ਨਹੀਂ ਆਇਆ। ਇਸ ਸਬੰਧੀ ਪੁਲੀਸ ਨੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। -ਪੱਤਰ ਪ੍ਰੇਰਕ