ਜੰਮੂ ਕਸ਼ਮੀਰ: ਸੜਕ ਹਾਦਸੇ ਵਿੱਚ ਜਵਾਨ ਹਲਾਕ, ਇੱਕ ਜ਼ਖ਼ਮੀ

ਰਾਜੌਰੀ/ਜੰਮੂ, 4 ਨਵੰਬਰ
ਜੰਮੂ ਕਸ਼ਮੀਰ ਦੇ ਰਾਜੌਰੀ ਜ਼ਿਲ੍ਹੇ ਵਿੱਚ ਅੱਜ ਵਾਹਨ ਦੇ ਇੱਕ ਖੱਡ ਵਿੱਚ ਡਿੱਗਣ ਕਾਰਨ ਫੌਜੀ ਜਵਾਨ ਦੀ ਮੌਤ ਹੋ ਗਈ, ਜਦੋਂਕਿ ਇੱਕ ਹੋਰ ਜ਼ਖ਼ਮੀ ਹੋ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਹਾਦਸਾ ਸ਼ਾਮ ਨੂੰ ਕਾਲਾਕੋਟ ਵਿੱਚ ਬੜੌਗ ਪਿੰਡ ਨੇੜੇ ਵਾਪਰਿਆ। ਬਚਾਅ ਕਰਮੀਆਂ ਨੇ ਨਾਇਕ ਬਦਰੀ ਲਾਲ ਅਤੇ ਸਿਪਾਹੀ ਜੈ ਪ੍ਰਕਾਸ਼ ਨੂੰ ਜ਼ਖ਼ਮੀ ਹਾਲਤ ਵਿੱਚ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ। ਇਸ ਦੌਰਾਨ ਬਦਰੀ ਲਾਲ ਦੀ ਮੌਤ ਹੋ ਗਈ। -ਪੀਟੀਆਈ