ਜੰਮੂ ਕਸ਼ਮੀਰ: ਲਾਂਸ ਨਾਇਕ ਵੱਲੋਂ ਸਰਵਿਸ ਰਾਈਫਲ ਨਾਲ ਗੋਲੀ ਮਾਰ ਕੇ ਖੁ਼ਦਕੁਸ਼ੀ

ਸ੍ਰੀਨਗਰ, 9 ਜੂਨ

ਜੰਮੂ ਕਸ਼ਮੀਰ ਦੇ ਗੁਲਮਰਗ ਇਲਾਕੇ ਵਿਚ ਫੌਜੀ ਨੇ ਐਤਵਾਰ ਰਾਤ ਨੂੰ ਆਪਣੀ ਹੀ ਸਰਵਿਸ ਰਾਈਫਲ ਨਾਲ ਗੋਲੀ ਮਾਰ ਕੇ ਕਥਿਤ ਖੁ਼ਦਕੁਸ਼ੀ ਕਰ ਲਈ ਹੈ।

ਫੌਜੀ ਜਵਾਨ ਦੀ ਪਛਾਣ ਲਾਂਸ ਨਾਇਕ ਭੰਵਰ ਲਾਲ ਸਾਰਨ ਵਜੋਂ ਹੋਈ ਹੈ, ਜੋ ਬਾਰਾਮੁੱਲਾ ਜ਼ਿਲ੍ਹੇ ਦੇ ਗੁਲਮਰਗ ਵਿਚ 9ਵੀਂ ਰਾਜਪੂਤਾਨਾ ਰਾਈਫਲ ਦੇ ਕੈਂਪ ਵਿਚ ਤਾਇਨਾਤ ਸੀ।

ਫੌਜੀ ਜਵਾਨ, ਜੋ ਪਿੱਛੋਂ ਰਾਜਸਥਾਨ ਨਾਲ ਸਬੰਧਤ ਹੈ, ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਦੇਹ ਨੂੰ ਪੋਸਟ ਮਾਰਟਮ ਲਈ ਤੰਗਮਾਰਗ ਦੇ ਸਬ ਜ਼ਿਲ੍ਹਾ ਹਸਪਤਾਲ ਵਿਚ ਰਖਵਾ ਦਿੱਤਾ ਗਿਆ ਹੈ। -ਪੀਟੀਆਈ