Live ਜੰਮੂ ਕਸ਼ਮੀਰ ਚੋਣ ਨਤੀਜੇ: ਨੈਸ਼ਨਲ ਕਾਨਫਰੰਸ ਸਭ ਤੋਂ ਪਾਰਟੀ ਵਜੋਂ ਉਭਰੀ; ਭਾਜਪਾ ਨੇ ਜੰਮੂ ’ਚ ਗੜ੍ਹ ਮਜ਼ਬੂਤ ਰੱਖਿਆ

ਜੰਮੂ/ਸ੍ਰੀਨਗਰ, 8 ਅਕਤੂਬਰ
Jammu Kashmir election Results 2024: ਨੈਸ਼ਨਲ ਕਾਨਫਰੰਸ-ਕਾਂਗਰਸ ਗੱਠਜੋੜ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ ਕਸ਼ਮੀਰ ਵਿੱਚ ਸਰਕਾਰ ਬਣਾ ਸਕਦਾ ਹੈ। ਚੋਣ ਰੁਝਾਨਾਂ ਵਿਚ ਅਸੈਂਬਲੀ ਦੀਆਂ 90 ਵਿਚੋਂ 52 ਸੀਟਾਂ ਦੇ ਗੱਠਜੋੜ ਦੇ ਉਮੀਦਵਾਰ ਅੱਗੇ ਚੱਲ ਰਹੇ ਹਨ। ਭਾਜਪਾ ਨੇ 27 ਸੀਟਾਂ ’ਤੇ ਬੜ੍ਹਤ ਬਣਾਈ ਹੋਈ ਹੈ। ਨੈਸ਼ਨਲ ਕਾਨਫੰਰਸ 41 ਸੀਟਾਂ ਨਾਲ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉਭਰੀ ਹੈ। ਉਧਰ ਭਾਜਪਾ ਨੇ ਜੰਮੂ ਵਿਚ ਆਪਣੇ ਗੜ੍ਹ ਨੂੰ ਮਜ਼ਬੂਤ ਰੱਖਿਆ ਹੈ। ਚੋਣ ਕਮਿਸ਼ਨ ਵੱਲੋਂ ਅਪਲੋਡ ਕੀਤੇ ਰੁਝਾਨਾਂ ਮੁਤਾਬਕ ਸਾਬਕਾ ਮੁੱਖ ਮੰਤਰੀ ਮਹਿਬੂਬਾ ਮੁਫ਼ਤੀ ਦੀ ਅਗਵਾਈ ਵਾਲੀ ਪੀਡੀਪੀ ਦੋ ਸੀਟਾਂ ’ਤੇ ਅੱਗੇ ਚੱਲ ਰਹੀ ਹੈ। ਆਜ਼ਾਦ ਉਮੀਦਵਾਰ 8 ਸੀਟਾਂ ’ਤੇ ਅੱਗੇ ਹਨ। ਰੁਝਾਨਾਂ ਮੁਤਾਬਕ ਨੈਸ਼ਨਲ ਕਾਨਫਰੰਸ 41 ਸੀਟਾਂ ਜਦੋਂਕਿ ਉਸ ਦੀ ਭਾਈਵਾਲ ਪਾਰਟੀ ਕਾਂਗਰਸ 10 ਸੀਟਾਂ ’ਤੇ ਅੱਗੇ ਚੱਲ ਰਹੀ ਹੈ। ਇਸ ਦੌਰਾਨ ਚੋਣ ਕਮਿਸ਼ਨ ਨੇ ਜੰਮੂ ਕਸ਼ਮੀਰ ਅਸੈਂਬਲੀ ਲਈ ਪਹਿਲੇ ਚੋਣ ਨਤੀਜੇ ਦਾ ਐਲਾਨ ਕਰ ਦਿੱਤਾ ਹੈ। ਕਠੂਆ ਜ਼ਿਲ੍ਹੇ ਦੀ ਬਸੋਹਲੀ ਸੀਟ ਤੋਂ ਭਾਜਪਾ ਦੇ ਦਰਸ਼ਨ ਕੁਮਾਰ ਨੇ ਸਾਬਕਾ ਸੰਸਦ ਮੈਂਬਰ ਤੇ ਕਾਂਗਰਸ ਉਮੀਦਵਾਰ ਚੌਧਰੀ ਲਾਲ ਸਿੰਘ ਨੂੰ ਹਰਾ ਦਿੱਤਾ ਹੈ। ਗੁਰੇਜ਼ (ਰਾਖਵੀਂ) ਤੋਂ ਨੈਸ਼ਨਲ ਕਾਨਫਰੰਸ ਦੇ ਨਜ਼ੀਰ ਅਹਿਮਦ ਨੇ ਭਾਜਪਾ ਦੇ ਫ਼ਕੀਰ ਮੁਹੰਮਦ ਖ਼ਾਨ ਨੂੰ 1132 ਵੋਟਾਂ ਨਾਲ ਹਰਾਇਆ।

ਜਿਨ੍ਹਾਂ ਪ੍ਰਮੁੱਖ ਸਿਆਸੀ ਆਗੂਆਂ ਦੀ ਕਿਸਮਤ ਦਾ ਅੱਜ ਫੈਸਲਾ ਹੋਣਾ ਹੈ, ਉਨ੍ਹਾਂ ਵਿਚ ਉਮਰ ਅਬਦੁੱਲਾ, ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਤਾਰਿਕ ਅਹਿਮਦ ਕਾਰਾ, ਏਆਈਸੀਸੀ ਜਨਰਲ ਸਕੱਤਰ ਗ਼ੁਲਾਮ ਅਹਿਮਦ ਮੀਰ, ਸੀਪੀਆਈਐੱਮ ਆਗੂ ਐੈੱਮਵਾਈ ਤਾਰੀਗਾਮੀ ਤੇ ਭਾਜਪਾ ਦੇ ਸਾਬਕਾ ਪ੍ਰਧਾਨ ਸ਼ਾਮ ਲਾਲ ਸ਼ਰਮਾ ਤੇ ਦੇਵੇਂਦਰ ਸਿੰਘ ਰਾਣਾ ਸ਼ਾਮਲ ਹਨ। ਸਾਬਕਾ ਉਪ ਮੁੱਖ ਮੰਤਰੀ ਤੇ ਕਾਂਗਰਸ ਉਮੀਦਵਾਰ ਤਾਰਾ ਚੰਦ ਵੀ ਛੰਬ ਸੀਟ ਤੋਂ ਪਿੱਛੇ ਚੱਲ ਰਹੇ ਹਨ। ਜੰਮੂ ਕਸ਼ਮੀਰ ਕਾਂਗਰਸ ਦੇ ਪ੍ਰਧਾਨ ਵਿਕਾਰ ਰਸੂਲ ਵਾਨੀ ਬਨੀਹਾਲ ਸੀਟ ਤੋਂ ਨੈਸ਼ਨਲ ਕਾਨਫਰੰਸ ਦੇ ਸੱਜਾਦ ਲੋਨ ਤੋਂ ਪਿੱਛੇ ਹਨ। ਲੋਨ ਦੀਆਂ 15,809 ਵੋਟਾਂ ਦੇ ਮੁਕਾਬਲੇ ਵਾਨੀ ਕੋਲ 9885 ਵੋਟਾਂ ਹਨ। ਜੰਮੂ ਕਸ਼ਮੀਰ ਪੈਂਥਰਜ਼ ਪਾਰਟੀ (ਇੰਡੀਆ) ਦੇ ਪ੍ਰਧਾਨ ਹਰਸ਼ ਦੇਵ ਸਿੰਘ ਚੇਨਾਨੀ ਸੀਟ ਤੋਂ 8863 ਵੋਟਾਂ ਨਾਲ ਭਾਜਪਾ ਉਮੀਦਵਾਰ ਤੇ ਆਪਣੇ ਰਿਸ਼ਤੇਦਾਰ ਬਲਵੰਤ ਸਿੰਘ ਮਨਕੋਟੀਆ ਤੋਂ ਪਿੱਛੇ ਹਨ। ਕਿਸ਼ਤਵਾੜ ਸੀਟ ਤੋਂ ਭਾਜਪਾ ਉਮੀਦਵਾਰ ਸ਼ਗੁਨ ਪਰਿਹਾਰ ਨੇ ਆਪਣੇ ਨੇੜਲੇ ਨੈਸ਼ਨਲ ਕਾਨਫਰੰਸ ਉਮੀਦਵਾਰ ਸੱਜਾਦ ਕਿਚਲੂ ਤੋਂ 5899 ਵੋਟਾਂ ਦੀ ਲੀਡ ਬਣਾਈ ਹੋਈ ਹੈ।
ਨੈਸ਼ਨਲ ਕਾਨਫਰੰਸ+ਕਾਂਗਰਸ 52
ਭਾਜਪਾ 27
ਆਜ਼ਾਦ 9
ਪੀਡੀਪੀ 2
ਜੇਕੇਏਪੀ 0
ਸੀਪੀਆਈਐੱਮ

ਸੁਣੋ ਚੋਣ ਨਤੀਜਿਆਂ ਮੌਕੇ ਨੈਸ਼ਨਲ ਕਾਨਫਰੰਸ ਦੇ ਉਪ ਪ੍ਰਧਾਨ ਉਮਰ ਅਬਦੁੱਲਾ ਨੇ ਕੀ ਕਿਹਾ

VIDEO | Jammu & Kashmir Election Results 2024: "We are hopeful of victory, rest is on God. Whatever the voters of J&K have decided will be clear by afternoon... If the mandate is against the BJP, it should not resort to gambling," says National Conference Vice President Omar… pic.twitter.com/f9nEa1A5vb

— Press Trust of India (@PTI_News) October 8, 2024

ਜੰਮੂ ਦੇ ਪੋਲੀਟੈਕਨਿਕ ਕਾਲਜ ਵਿਚ ਵੋਟਾਂ ਦੀ ਗਿਣਤੀ ਜਾਰੀ

#WATCH | J&K: Counting underway at Polytechnic College in Jammu

The fate of candidates on 90 seats across all 20 districts in J&K is being decided today. pic.twitter.com/S8S3RM7K7R

— ANI (@ANI) October 8, 2024