ਜਲੰਧਰ: ਪੁਲੀਸ ਪੀਪੀਈ ਕਿੱਟ ਲੈਣ ਗਈ ਤੇ ਕੈਦੀ ਸਿਵਲ ਹਸਪਤਾਲ ਵਿੱਚੋਂ ਫ਼ਰਾਰ

ਪਾਲ ਸਿੰਘ ਨੌਲੀ

ਜਲੰਧਰ, 21 ਅਗਸਤ

ਇਥੋਂ ਦੇ ਸਿਵਲ ਹਸਪਤਾਲ ਵਿੱਚੋਂ ਕੈਦੀ ਫ਼ਰਾਰ ਹੋ ਗਿਆ ਹੈ। ਪਿੰਡ ਮੱਲੀਆਂ ਦਾ ਸੁਖਬੀਰ ਸਿੰਘ ਕਪੂਰਥਲਾ ਮਾਡਰਨ ਜੇਲ੍ਹ ਵਿੱਚ 10 ਸਾਲ ਦੀ ਸਜ਼ਾ ਭੁਗਤ ਰਿਹਾ ਸੀ। ਕਰੋਨਾ ਕਾਰਨ ਉਹ 9 ਅਗਸਤ ਤੋਂ ਜਲੰਧਰ ਦੇ ਸਿਵਲ ਹਸਪਤਾਲ ਵਿੱਚ ਦਾਖਲ ਸੀ। ਸਿਵਲ ਹਸਪਤਾਲ ਵਿੱਚ ਕੈਦੀਆਂ ਲਈ ਨਿਗਰਾਨੀ ਵਾਲੇ ਵਾਰਡ ਇਹ ਕੈਦੀ ਦਾਖਲ ਸੀ ਜੋ ਦਰਵਾਜ਼ੇ ਦੀ ਕੁੰਡੀ ਖੋਲ੍ਹ ਕੇ ਪਾਈਪਾਂ ਦੀ ਮੱਦਦ ਨਾਲ ਫ਼ਰਾਰ ਹੋ ਗਿਆ। ਗਾਰਦ ਦੇ ਇੰਚਾਰਜ ਏਐੱਸਆਈ ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਕਰੋਨਾ ਪਾਜ਼ੇਟਿਵ ਮਰੀਜ਼ ਕੋਲ ਜਾਣ ਲਈ ਪੀਪੀਈ ਕਿੱਟ ਪਾਉਣੀ ਜ਼ਰੂਰੀ ਹੈ। ਇਸ ਲਈ ਕਿੱਟ ਲੈਣ ਲਈ ਜਦੋਂ ਉਹ ਗਏ ਤਾਂ ਪਿੱਛੋਂ ਕੈਦੀ ਫ਼ਰਾਰ ਹੋ ਗਿਆ।