ਜਲੰਧਰ ਛਾਉਣੀ ਸਵੱਛਤਾ ’ਚ ਦੇਸ਼ ਭਰ ਵਿੱਚੋਂ ਮੋਹਰੀ

ਪਾਲ ਸਿੰਘ ਨੌਲੀ
ਜਲੰਧਰ, 20 ਅਗਸਤ

ਜਲੰਧਰ ਛਾਉਣੀ ਇਲਾਕੇ ਨੇ ਸਵੱਛਤਾ ਵਿੱਚ ਨਵਾਂ ਇਤਿਹਾਸ ਸਿਰਜਦਿਆਂ ਦੇਸ਼ ਵਿੱਚੋਂ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਕੇਂਦਰ ਸਰਕਾਰ ਵੱਲੋਂ ਜਾਰੀ ਕੀਤੀ ਗਈ ਸੂਚਨਾ ਅਨੁਸਾਰ ਸਵੱਛਤਾ ਰੈਂਕਿੰਗ ’ਚ ਜਲੰਧਰ ਛਾਉਣੀ ਦਾ ਕੰਨਟੋਨਮੈਂਟ ਬੋਰਡ ਪੂਰੇ ਦੇਸ਼ ’ਚ ਪਹਿਲੇ ਸਥਾਨ ’ਤੇ ਰਿਹਾ ਹੈ। ਦੇਸ਼ ਅੰਦਰ ਛਾਉਣੀ ਸ਼ਹਿਰਾਂ ਦੀ ਕੀਤੀ ਗਈ ਰੈਂਕਿੰਗ ਵਿੱਚ ਜਲੰਧਰ ਛਾਉਣੀ ਦਾ ਪਹਿਲਾ ਨੰਬਰ ਆਇਆ ਹੈ। ਕੰਨਟੋਨਮੈਂਟ ਬੋਰਡ ਦੇ ਦਫਤਰੀ ਕੰਮਾਂ ਵਿੱਚ ਵੀ ਵੱਡੇ ਪੱਧਰ ’ਤੇ ਸੁਧਾਰ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ ਨਗਰ ਨਿਗਮ ਜਲੰਧਰ ਸਾਰੇ ਦੇਸ਼ ਵਿੱਚ 119ਵੇਂ ਸਥਾਨ ’ਤੇ ਆਇਆ ਹੈ। ਇਸ ਤੋਂ ਪਹਿਲਾਂ ਜਲੰਧਰ ਨਗਰ ਨਿਗਮ 167ਵੇਂ ਨੰਬਰ ’ਤੇ ਸੀ।