ਜੈਕੀ ਸ਼ਰਾਫ ਦੀ ਫ਼ਿਲਮ ‘ਕਰਮਾ’ ਨੇ 38 ਸਾਲ ਪੂਰੇ ਕੀਤੇ

ਮੁੰਬਈ:

ਜੈਕੀ ਸ਼ਰਾਫ ਦੀ ਅਦਾਕਾਰੀ ਵਾਲੀ ਫ਼ਿਲਮ ‘ਕਰਮਾ’ ਨੂੰ ਰਿਲੀਜ਼ ਹੋਇਆਂ 38 ਸਾਲ ਪੂਰੇ ਹੋ ਗਏ ਹਨ। ਸੁਭਾਸ਼ ਘਈ ਵੱਲੋਂ ਨਿਰਦੇਸ਼ਿਤ ਫ਼ਿਲਮ ‘ਕਰਮਾ’ ਸਾਲ 1986 ਵਿੱਚ ਰਿਲੀਜ਼ ਹੋਈ ਸੀ। ਅਦਾਕਾਰ ਜੈਕੀ ਸ਼ਰਾਫ਼ ਨੇ ਫ਼ਿਲਮ ਨਾਲ ਸਬੰਧਤ ਤਸਵੀਰਾਂ ਇੰਸਟਾਗ੍ਰਾਮ ’ਤੇ ਸਾਂਝੀਆਂ ਕੀਤੀਆਂ ਹਨ। ਇਸ ਵੀਡੀਓ ’ਚ ਮਨਹਰ ਉਧਾਸ, ਮੁਹੰਮਦ ਅਜ਼ੀਜ਼ ਅਤੇ ਸੁਰੇਸ਼ ਵਾਡੇਕਰ ਦਾ ਗੀਤ ‘ਮੇਰਾ ਕਰਮਾ ਤੂ’ ਚੱਲ ਰਿਹਾ ਹੈ। ਇਸ ਵੀਡੀਓ ਦੀ ਕੈਪਸ਼ਨ ’ਚ ਜੈਕੀ ਨੇ ਲਿਖਿਆ, ‘‘ਕਰਮਾ ਦੇ 38 ਸਾਲ ਪੂਰੇ ਹੋਏ।’’ 1986 ’ਚ ਆਈ ਇਹ ਫ਼ਿਲਮ ਉਸ ਦਹਾਕੇ ’ਚ ਬੌਲੀਵੁੱਡ ਦੀਆਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਫ਼ਿਲਮਾਂ ਵਿੱਚੋਂ ਇੱਕ ਸੀ। ਫਿਲਮ ਵਿੱਚ ਦਿਲੀਪ ਕੁਮਾਰ, ਨੂਤਨ, ਅਨਿਲ ਕਪੂਰ, ਨਸੀਰੂਦੀਨ ਸ਼ਾਹ, ਸ੍ਰੀਦੇਵੀ, ਪੂਨਮ ਢਿੱਲੋਂ ਅਤੇ ਅਨੁਪਮ ਖੇਰ ਵਰਗੇ ਅਦਾਕਾਰਾਂ ਨੇ ਕਿਰਦਾਰ ਨਿਭਾਏ ਸਨ। -ਆਈਏਐੱਨਐੱਸ