ਸਵੱਛ ਭਾਰਤ ਅਭਿਆਨ ਤਹਿਤ ਈਸੜੂ ਸਿਹਤ ਕੇਂਦਰ ਨੂੰ ਪਹਿਲਾ ਸਥਾਨ

ਜੋਗਿੰਦਰ ਸਿੰਘ ਓਬਰਾਏ

ਖੰਨਾ, 7 ਜੂਨ

ਇਥੋਂ ਦੇ ਨੇੜਲੇ ਪਿੰਡ ਈਸੜੂ ਦੇ ਸਿਹਤ ਕੇਂਦਰ ਨੇ ਸਾਫ ਸਫਾਈ ‘ਚ ਪਹਿਲਾ ਸਥਾਨ ਹਾਸਲ ਕੀਤਾ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਸ.ਐਮ.ਓ ਡਾ.ਰਵੀ ਦੱਤ ਨੇ ਦੱਸਿਆ ਕਿ ਕਾਇਆ ਕਲਪ ਸਵੱਛ ਭਾਰਤ ਅਭਿਆਨ ਅਧੀਨ ਟੀਮ ਵੱਲੋਂ ਸਾਫ ਸਫਾਈ, ਇਨਫੈਕਸ਼ਨ ਕੰਟਰੋਲ ਆਦਿ ਪੈਰਾਮੀਟਰਾਂ ਨੂੰ ਅਧਾਰ ਬਣਾ ਕੇ ਜ਼ਿਲ੍ਹਾ ਲੁਧਿਆਣਾ ਦੇ ਸਿਹਤ ਤੇ ਤੰਦਰੁਸਤੀ ਕੇਦਰਾਂ ਦਾ ਦੌਰਾ ਕੀਤਾ ਗਿਆ ਸੀ। ਇਸ ਟੀਮ ਦੀ ਰਿਪਰੋਟ ਦੇ ਅਧਾਰ ਤੇ ਸਭ ਤੋਂ ਵਧੀਆ ਪੈਰਾਮੀਟਰ ਹੋਣ ਕਾਰਨ ਸਿਹਤ ਕੇਂਦਰ ਈਸੜੂ ਨੇ ਪਹਿਲਾ ਹਾਸਲ ਕੀਤਾ।

ਇਸ ਲਈ ਸਿਹਤ ਮੰਤਰੀ ਪੰਜਾਬ ਡਾ.ਬਲਵੀਰ ਸਿੰਘ ਵੱਲੋਂ ਐਚ.ਡਬਲਿਊ.ਸੀ ਈਸੜੂ ਟੀਮ ਨੂੰ ਪ੍ਰਸੰਸਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਹੈ। ਇਸ ਦੌਰਾਨ ਡਾ.ਜਸਨੀਤ ਕੌਰ ਨੋਡਲ ਅਫ਼ਸਰ ਕਾਇਆ ਕਲਪ ਮਾਨੂੰਪੁਰ ਅਤੇ ਗੁਰਦੀਪ ਸਿੰਘ ਨੇ ਸਬੰਧਤ ਟੀਮ ਨੂੰ ਵਧਾਈ ਦਿੱਤੀ।

ਇਸ ਮੌਕੇ ਗੁਰਮਿੰਦਰ ਸਿੰਘ, ਸ਼ਿੰਗਾਰਾ ਸਿੰਘ, ਵਰਿੰਦਰ ਮੋਹਨ, ਤਰਲੋਕ ਸਿੰਘ, ਮੋਹਨ ਸਿੰਘ, ਜਰਨੈਲ ਸਿੰਘ, ਰੁਪਿੰਦਰ ਕੌਰ, ਗੁਰਜੰਟ ਸਿੰਘ, ਰਾਜਵਿੰਦਰ ਕੌਰ ਆਦਿ ਹਾਜ਼ਰ ਸਨ।