ਇਰਾਨ ਨੇ ਸਫਲਤਾਪੂਰਕ ਪੁਲਾੜ ਵਿੱਚ ਭੇਜਿਆ ਉਪ-ਗ੍ਰਹਿ

ਤਹਿਰਾਨ, 14 ਸਤੰਬਰ
ਇਰਾਨ ਨੇ ਕਿਹਾ ਹੈ ਕਿ ਉਸ ਨੇ ਨੀਮ ਫੌਜੀ ਬਲ ‘ਰੈਵੋਲਿਊਸ਼ਨਰੀ ਗਾਰਡ’ ਵੱਲੋਂ ਬਣਾਏ ਗਏ ਰਾਕੇਟ ਤੋਂ ਇਕ ਖੋਜ ਉਪ-ਗ੍ਰਹਿ ਨੂੰ ਪੰਧ ਵਿੱਚ ਭੇਜਿਆ ਹੈ। ਸਰਕਾਰੀ ਖ਼ਬਰ ਏਜੰਸੀ ‘ਇਰਨਾ’ ਨੇ ਅੱਜ ਇਕ ਖ਼ਬਰ ਵਿੱਚ ਦੱਸਿਆ ਕਿ ਚਮਰਾਨ-1 ਨਾਮ ਦੇ ਇਸ ਉਪ ਗ੍ਰਹਿ ਦਾ ਵਜ਼ਨ 60 ਕਿੱਲੋ ਹੈ ਅਤੇ ਇਹ ਪੁਲਾੜ ਦੇ ਪੰਧ ਵਿੱਚ ਪਹੁੰਚ ਗਿਆ ਹੈ। ਖ਼ਬਰ ਵਿੱਚ ਕਿਹਾ ਗਿਆ ਹੈ ਕਿ ਧਰਤੀ ਦੇ ਸਟੇਸ਼ਨਾਂ ਨੂੰ ਉਪ ਗ੍ਰਹਿ ਤੋਂ ਸਿਗਨਲ ਵੀ ਮਿਲ ਗਏ ਹਨ। -ਏਪੀ