ਇਕਬਾਲ ਸਿੰਘ ਸੀਪੀਆਈ (ਐੱਮ) ਬਰਾਂਚ ਹੈਬਤਪੁਰ ਦੇ ਸਕੱਤਰ ਬਣੇ

ਡੇਰਾਬੱਸੀ (ਖੇਤਰੀ ਪ੍ਰਤੀਨਿਧ): ਡੇਰਾਬੱਸੀ ਵਿੱਚ ਭਾਰਤੀ ਕਮਿਊਨਿਸ਼ਟ ਪਾਰਟੀ (ਮਾਰਕਸਵਾਦੀ) ਬਰਾਂਚ ਹੈਬਤਪੁਰ ਦੀ ਮੀਟਿੰਗ ਜ਼ਿਲ੍ਹਾ ਸਕੱਤਰ ਸ਼ਿਆਮ ਲਾਲ ਦੀ ਪ੍ਰਧਾਨਗੀ ਹੇਠ ਹੋਈ। ਇਸ ਵਿੱਚ ਪਾਰਟੀ ਦੇ ਸਾਥੀ ਇਕਬਾਲ ਸਿੰਘ ਨੂੰ ਬਰਾਂਚ ਹੈਬਤਪੁਰ ਦਾ ਸਕੱਤਰ ਚੁਣਿਆ ਗਿਆ। ਇਹ ਫ਼ੈਸਲਾ ਡੇਰਾਬੱਸੀ ਦੇ ਪਿੰਡ ਹੈਬਤਪੁਰ ਵਿੱਚ ਪਾਰਟੀ ਬਰਾਂਚ ਦੀ ਮੀਟਿੰਗ ਵਿੱਚ ਸਰਬਸੰਮਤੀ ਨਾਲ ਲਿਆ ਗਿਆ। ਇਸ ਮੀਟਿੰਗ ਵਿੱਚ ਸਭ ਤੋਂ ਪਹਿਲਾਂ ਸੀਪੀਆਈ (ਐੱਮ) ਦੇ ਕੌਮੀ ਸਕੱਤਰ ਸੀਤਾ ਰਾਮ ਯੇਚੁਰੀ ਨੂੰ ਸ਼ਰਧਾਂਜਲੀ ਦਿੱਤੀ ਗਈ। ਸਕੱਤਰ ਚੁਣੇ ਜਾਣ ਉਪਰੰਤ ਇਕਬਾਲ ਸਿੰਘ ਨੇ ਕਿਹਾ ਕਿ ਉਹ ਇਸ ਜ਼ਿੰਮੇਵਾਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ।