ਇਨਰਵ੍ਹੀਲ ਕਲੱਬ ਨੇ ਸਾਲਾਨਾ ਸਮਾਗਮ ਕਰਵਾਇਆ

ਪੱਤਰ ਪ੍ਰੇਰਕ
ਫਰੀਦਾਬਾਦ, 30 ਜੁਲਾਈ
ਫਰੀਦਾਬਾਦ ਸੈਂਟਰਲ ਦੇ ਇਨਰਵ੍ਹੀਲ ਕਲੱਬ ਨੇ ਸਾਲਾਨਾ ਸਮਾਗਮ ਵਿੱਚ ਨਵੇਂ ਮੈਂਬਰਾਂ ਦਾ ਸਵਾਗਤ ਕਰਕੇ ਸਮਾਜਿਕ ਕਾਰਜਾਂ ਨਾਲ ਨਵੇਂ ਸੀਜ਼ਨ ਦੀ ਸ਼ੁਰੂਆਤ ਕੀਤੀ। ਹੋਟਲ ਸੈਂਟਰਲ ਵਿਊ ਵਿੱਚ ਕਰਵਾਏ ਗਏ ਇਸ ਸਮਾਗਮ ਵਿਚ ਕਲੱਬ ਦੀ ਨਵਨਿਯੁਕਤ ਪ੍ਰਧਾਨ ਅਨੀਤਾ ਗੋਸਵਾਮੀ ਤੇ ਉਨ੍ਹਾਂ ਦੀ ਟੀਮ ਨੇ ਬੇਸਹਾਰਾ ਬੱਚਿਆਂ ਦੀ ਸੰਸਥਾ ‘ਪ੍ਰਭਾਤ’ ਨੂੰ ਹਰ ਸੰਭਵ ਸਹਾਇਤਾ ਦੇਣ ਦਾ ਐਲਾਨ ਕੀਤਾ, ਬੱਚਿਆਂ ਨੂੰ ਖਾਣ-ਪੀਣ ਦਾ ਸਾਮਾਨ ਮੁਹੱਈਆ ਕਰਵਾਇਆ| ਇਸ ਮੌਕੇ ਸਾਉਣ ਅਤੇ ਤੀਆਂ ਦੇ ਤਿਉਹਾਰ ਮੌਕੇ ਔਰਤਾਂ ਨੇ ਗੀਤ-ਸੰਗੀਤ ਨਾਲ ਖਾਣ-ਪੀਣ ਦਾ ਆਨੰਦ ਮਾਣਿਆ। ਕਲੱਬ ਦੀ ਸਲਾਹਕਾਰ ਅਨੀਤਾ ਜੈਨ, ਕਲੱਬ ਦੀ ਇੰਟਰਨੈਸ਼ਨਲ ਸਾਬਕਾ ਪ੍ਰਧਾਨ ਮਾਤਾ ਮੀਨਾ ਕਪੂਰ ਨੇ ਨਵੀਂ ਪ੍ਰਧਾਨ ਅਨੀਤਾ ਗੋਸਵਾਮੀ ਅਤੇ ਉਨ੍ਹਾਂ ਦੀ ਟੀਮ ਅਤੇ ਨਵੇਂ ਮੈਂਬਰਾਂ ਨੂੰ ਪਿੰਨ ਲਗਾ ਕੇ ਸਨਮਾਨਿਤ ਕੀਤਾ| ਇਨਰਵ੍ਹੀਲ ਕਲੱਬ ਸੈਂਟਰਲ ਦੀ ਮੀਤ ਪ੍ਰਧਾਨ ਮਧੂ ਵਰਮਾ ਨੇ ਪ੍ਰੋਗਰਾਮ ਵਿੱਚ ਆਏ ਸਾਰੇ ਮਹਿਮਾਨਾਂ ਅਤੇ ਮੈਂਬਰਾਂ ਦਾ ਸਵਾਗਤ ਕੀਤਾ ਅਤੇ ਧੰਨਵਾਦ ਕੀਤਾ। ਕਲੱਬ ਮੈਂਬਰ ਰਿੰਪੀ ਜੈਨ ਨੇ ਦੱਸਿਆ ਕਿ ਉਹ ਕਲੱਬ ਨਾਲ ਮਿਲ ਕੇ ਹਰ ਮਹੀਨੇ ਨਗਦ ਸਹਾਇਤਾ ਦੇਣਗੇ ਅਤੇ ਹਰ ਬੱਚੇ ਦਾ ਜਨਮ ਦਿਨ ਮਨਾਉਣਗੇ। ਇਸੇ ਤਰ੍ਹਾਂ ਕਲੱਬ ਦੇ ਇੱਕ ਹੋਰ ਮੈਂਬਰ ਡਾ: ਰੈਣੀ ਨੇ ਐਲਾਨ ਕੀਤਾ ਕਿ ਉਹ ਹਰ ਮਹੀਨੇ ਬੱਚਿਆਂ ਦੀ ਮੁਫ਼ਤ ਸਿਹਤ ਜਾਂਚ ਕਰਨਗੇ| ਕਲੱਬ ਦੀ ਸਲਾਹਕਾਰ ਅਨੀਤਾ ਜੈਨ ਅਤੇ ਇਨਰਵੀਲ ਮਦਰ ਮਿੰਨਾ ਕਪੂਰ ਨੇ ਕਲੱਬ ਦੀ ਪ੍ਰਧਾਨ ਅਨੀਤਾ ਗੋਸਵਾਮੀ ਅਤੇ ਉਨ੍ਹਾਂ ਦੀ ਟੀਮ ਨੂੰ ਵਧਾਈ ਦਿੱਤੀ ਅਤੇ ਕਾਮਨਾ ਕੀਤੀ ਕਿ ਭਵਿੱਖ ਵਿੱਚ ਉਨ੍ਹਾਂ ਦਾ ਕਲੱਬ ਬੁਲੰਦੀਆਂ ਨੂੰ ਛੂਹੇਗਾ।