ਸੜਕ ਹਾਦਸੇ ਵਿੱਚ ਜ਼ਖ਼ਮੀ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 23 ਅਕਤੂਬਰ
ਈਸਟਮੈਨ ਚੌਕ ਨੇੜੇ ਗੌਰਵ ਧਰਮ ਕੰਡਾ ਗਿਆਸਪੁਰਾ ਵਿੱਚ ਇੱਕ ਥਾਰ ਵੱਲੋਂ ਮੋਟਰਸਾਈਕਲ ਨੂੰ ਟੱਕਰ ਮਾਰਨ ਕਾਰਨ ਇੱਕ ਵਿਅਕਤੀ ਗੰਭੀਰ ਜ਼ਖ਼ਮੀ ਹੋ ਗਿਆ ਹੈ ਜਿਸਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਇਸ ਸਬੰਧੀ ਲੇਬਰ ਕਲੋਨੀ ਜਮਾਲਪੁਰ ਵਾਸੀ ਰਿਤੇਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਆਪਣੇ ਮੋਟਰਸਾਈਕਲ ’ਤੇ ਆਪਣੇ ਦੋਸਤ ਪ੍ਰਕਾਸ਼ ਕੁਮਾਰ ਅਤੇ ਸੁਮੀਤ ਗੋਇਲ ਨਾਲ ਆਪਣੇ ਦੋਸਤ ਨੂੰ ਘਰ ਛੱਡਣ ਲਈ ਈਸਟਮੈਨ ਗਿਆਸਪੁਰਾ ਜਾ ਰਹੇ ਸਨ ਕਿ ਈਸਟਮੈਨ ਵੱਲੋਂ ਇੱਕ ਥਾਰ ਗੱਡੀ ਦੇ ਚਾਲਕ ਅਜੇ ਪਾਂਡੇ ਨੇ ਆਪਣੀ ਗੱਡੀ ਨਾਲ ਮੋਟਰਸਾਈਕਲ ਨੂੰ ਫੇਟ ਮਾਰੀ ਤੇ ਆਪਣੀ ਉੱਕਤ ਗੱਡੀ ਛੱਡ ਕੇ ਫ਼ਰਾਰ ਹੋ ਗਿਆ। ਟੱਕਰ ਨਾਲ ਉਨ੍ਹਾਂ ਨੂੰ ਕਾਫ਼ੀ ਸੱਟਾਂ ਲੱਗੀਆਂ ਤੇ ਮੋਟਰਸਾਈਕਲ ਦਾ ਵੀ ਨੁਕਸਾਨ ਹੋਇਆ ਹੈ। ਥਾਣੇਦਾਰ ਦੀਪ ਚੰਦ ਨੇ ਦੱਸਿਆ ਕਿ ਪੁਲੀਸ ਵੱਲੋਂ ਕੇਸ ਦਰਜ ਕਰਕੇ ਗੱਡੀ ਕਬਜ਼ੇ ਵਿੱਚ ਲੈ ਲਈ ਗਈ ਹੈ।