ਇਨਡੋਰ ਰੋਇੰਗ: ਸਬ-ਜੂਨੀਅਰ ਡਬਲਜ਼ ’ਚ ਤਲਵਾਰ ਸਿੰਘ ਤੇ ਤਰੁਨ ਸਿੰਘ ਜੇਤੂ
08:02 AM Jul 14, 2024 IST
ਮਹਿੰਦਰ ਸਿੰਘ ਰੱਤੀਆਂ
ਮੋਗਾ, 13 ਜੁਲਾਈ
ਇੱਥੇ ਕੌਮੀ ਰੋਇੰਗ ਫੈਡਰੇਸ਼ਨ ਆਫ ਇੰਡੀਆ ਦੀ ਅਗਵਾਈ ਹੇਠ ਪੰਜਾਬ ਰੋਇੰਗ ਐਸੋਸੀਏਸ਼ਨ ਵੱਲੋਂ ਕਰਵਾਈ ਜਾ ਰਹੀ ਦੋ ਰੋਜ਼ਾ ਕੌਮੀ ਰੋਇੰਗ ਇਨਡੋਰ ਚੈਂਪੀਅਨਸ਼ਿਪ ਦੇ ਪਹਿਲੇ ਦਿਨ ਅੱਜ ਸਬ-ਜੂਨੀਅਰ ਪੁਰਸ਼ ਡਬਲਜ਼ ਵਿੱਚ ਉੜੀਸਾ ਦੇ ਤਲਵਾਰ ਸਿੰਘ ਅਤੇ ਤਰੁਨ ਸਿੰਘ ਪਹਿਲੇ, ਕੇਰਲਾ ਦੇ ਗੌਤਮ ਕ੍ਰਿਸ਼ਨਾ ਅਤੇ ਅਬਦੁਲ ਦੂਜੇ ਜਦਕਿ ਹਰਿਆਣਾ-ਏ ਦੇ ਚਿੰਟੂ ਅਤੇ ਯੁਵਰਾਜ ਤੀਜੇ ਸਥਾਨ ’ਤੇ ਰਹੇ। ਇਸ ਚੈਂਪੀਅਨਸ਼ਿਪ ਵਿੱਚ ਦੇਸ਼ ਦੇ 24 ਸੂਬਿਆਂ ਦੇ 432 ਖਿਡਾਰੀ ਹਿੱਸਾ ਲੈ ਰਹੇ ਹਨ। ਪੰਜਾਬ ’ਚ 17 ਸਾਲ ਬਾਅਦ ਇਹ ਚੈਂਪੀਅਨਸ਼ਿਪ ਹੋ ਰਹੀ ਹੈ। ਪ੍ਰਬੰਧਕਾਂ ਨੇ ਸੂਬਾ ਸਰਕਾਰ ’ਤੇ ਬੇਰੁਖੀ ਦਾ ਦੋਸ਼ ਲਾਉਂਦਿਆਂ ਕਿਹਾ ਕਿ ਸਿੰਜਾਈ ਵਿਭਾਗ ਵੱਲੋਂ ਖੇਡਾਂ ਲਈ ਮਨਜ਼ੂਰੀ ਨਹੀਂ ਦਿੱਤੀ ਜਾ ਰਹੀ।
Advertisement
Advertisement