ਭਾਰਤੀ ਵੇਟਲਿਫਟਰ ਬਾਬੂ ਨੇ ਰਾਸ਼ਟਰਮੰਡਲ ਚੈਂਪੀਅਨਸ਼ਿਪ ’ਚ ਸੋਨ ਤਗ਼ਮਾ ਜਿੱਤਿਆ

ਸੁਵਾ (ਫਿਜੀ):

ਭਾਰਤੀ ਵੇਟਲਿਫਟਰ ਵਾਲੂਰੀ ਅਜੈ ਬਾਬੂ ਨੇ ਰਾਸ਼ਟਰਮੰਡਲ ਚੈਂਪੀਅਨਸ਼ਿਪ ਵਿੱਚ ਪੁਰਸ਼ਾਂ ਦੇ 81 ਕਿਲੋ ਜੂਨੀਅਰ ਅਤੇ ਸੀਨੀਅਰ ਵਰਗ ਵਿੱਚ ਸੋਨ ਤਗ਼ਮਾ ਜਿੱਤਿਆ। ਉੱਨੀ ਸਾਲਾ ਦੇ ਬਾਬੂ ਨੇ ਕੁੱਲ 326 ਕਿਲੋ (147 ਅਤੇ 179 ਕਿਲੋ) ਵਜ਼ਨ ਚੁੱਕਿਆ। ਬਾਬੂ ਨੇ ਕਲੀਨ ਐਂਡ ਜਰਕ ਵਰਗ ਵਿੱਚ ਰਾਸ਼ਟਰਮੰਡਲ ਰਿਕਾਰਡ ਵੀ ਬਣਾਇਆ। ਉਸ ਨੇ ਸਨੈਚ, ਕਲੀਨ ਐਂਡ ਜਰਕ ਅਤੇ ਕੁੱਲ ਭਾਰ ਵਰਗ ਵਿੱਚ ਜੂਨੀਅਰ ਰਾਸ਼ਟਰੀ ਰਿਕਾਰਡ ਵੀ ਬਣਾਇਆ। ਪੁਰਸ਼ ਦੇ 89 ਕਿਲੋ ਭਾਰ ਵਰਗ ਵਿੱਚ ਲਾਲਯੂਆਤਫੇਲਾ ਨੇ ਚਾਂਦੀ ਦਾ ਤਗ਼ਮਾ ਜਿੱਤਿਆ, ਜਦਕਿ ਹਰੁਦਾਨੰਦਾ ਦਾਸ ਨੂੰ ਯੂਥ ਵਰਗ ਵਿੱਚ ਚਾਂਦੀ ਅਤੇ ਜੂਨੀਅਰ ਵਰਗ ਵਿੱਚ ਕਾਂਸੀ ਦਾ ਤਗ਼ਮਾ ਮਿਲਿਆ। -ਪੀਟੀਆਈ