ਅਮਰੀਕਾ ਵਿਚਲੇ ਭਾਰਤੀ ਵਿਦਿਆਰਥੀ ਬੇਯਕੀਨੀ ਵਾਲੇ ਮਾਹੌਲ ਤੋਂ ਪ੍ਰੇਸ਼ਾਨ ਨਾ ਹੋਣ: ਭਾਰਤੀ ਸਫ਼ੀਰ

ਵਾਸ਼ਿੰਗਟਨ, 20 ਅਗਸਤ

ਅਮਰੀਕਾ ਵਿਚ ਭਾਰਤ ਦੇ ਰਾਜਦੂਤ ਤਰਨਜੀਤ ਸਿੰਘ ਸੰਧੂ ਨੇ ਇਥੇ ਭਾਰਤੀ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਅਪੀਲ ਕੀਤੀ ਕਿ ਅਕਾਦਮਿਕ ਸੈਸ਼ਨਾਂ ਦੀ ਬੇਯਕੀਨੀ ਤੋਂ ਪ੍ਰੇਸ਼ਾਨ ਨਾ ਹੋਣ, ਕਿਉਂਕਿ ਕੋਵਿਡ -19 ਮਹਾਮਾਰੀ ਅਸਥਾਈ ਸੰਕਟ ਹੈ। ਸ੍ਰੀ ਸੰਧੂ ਨੇ ਡਿਜੀਟਲ ਮਾਧਿਅਮ ਰਾਹੀਂ 50 ਤੋਂ ਵੱਧ ਵਿਦਿਆਰਥੀਆਂ ਨੂੰ ਸੰਬੋਧਿਤ ਕਰਦਿਆਂ ਕਿਹਾ ਕਿ ਪ੍ਰੇਸ਼ਾਨ ਹੋਣ ਦੀ ਬਜਾਏ ਉਨ੍ਹਾਂ ਨੂੰ ਇਸ ਕਿਸਮ ਦੀ ਪੈਦਾ ਹੋਈ ਸਥਿਤੀ ਤੋਂ ਪ੍ਰੇਰਨਾ ਲੈਣੀ ਚਾਹੀਦੀ ਹੈ ਤੇ ਉਹ ਸਖਤ ਮਿਹਨਤ ਕਰਨ ਅਤੇ ਸਵੈ-ਨਿਰਭਰ, ਆਧੁਨਿਕ ਅਤੇ ਖੁਸ਼ਹਾਲ ਭਾਰਤ ਬਣਾਉਣ ਵਿੱਚ ਯੋਗਦਾਨ ਪਾਉਣ।