ਵੈਸਟ ਇੰਡੀਜ਼ ਟੈਸਟ ਦੌਰੇ ਲਈ ਭਾਰਤੀ ਟੀਮ ਦਾ ਐਲਾਨ: ਪੁਜਾਰਾ, ਉਮੇਸ਼ ਤੇ ਸ਼ਮੀ ਬਾਹਰ, ਜੈਸਵਾਲ, ਮੁਕੇਸ਼ ਤੇ ਸੈਣੀ ਨੂੰ ਮੌਕਾ

ਨਵੀਂ ਦਿੱਲੀ, 23 ਜੂਨ

ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਅਤੇ ਸੀਨੀਅਰ ਤੇਜ਼ ਗੇਂਦਬਾਜ਼ ਉਮੇਸ਼ ਯਾਦਵ ਨੂੰ ਵੈਸਟਇੰਡੀਜ਼ ਦੌਰੇ ਲਈ ਭਾਰਤ ਦੀ ਟੈਸਟ ਟੀਮ ‘ਚੋਂ ਬਾਹਰ ਕਰ ਦਿੱਤਾ ਗਿਆ ਹੈ। ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਅਤੇ ਤੇਜ਼ ਗੇਂਦਬਾਜ਼ ਮੁਕੇਸ਼ ਪਹਿਲੀ ਵਾਰ ਭਾਰਤੀ ਟੈਸਟ ਟੀਮ ‘ਚ ਸ਼ਾਮਲ ਕੀਤੇ ਗਏ ਹਨ। ਅਜਿੰਕਿਆ ਰਹਾਣੇ ਫਿਰ ਤੋਂ ਭਾਰਤੀ ਟੈਸਟ ਟੀਮ ‘ਚ ਉਪ ਕਪਤਾਨ ਦੀ ਜ਼ਿੰਮੇਵਾਰੀ ਸੰਭਾਲੇਗਾ। ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੂੰ ਪੂਰੇ ਵੈਸਟਇੰਡੀਜ਼ ਦੌਰੇ ਲਈ ਆਰਾਮ ਦਿੱਤਾ ਗਿਆ ਹੈ, ਜਦ ਕਿ ਨਵਦੀਪ ਸੈਣੀ ਨੂੰ ਟੈਸਟ ਟੀਮ ਵਿੱਚ ਵਾਪਸ ਬੁਲਾਇਆ ਗਿਆ ਹੈ। ਭਾਰਤੀ ਟੀਮ 12 ਜੁਲਾਈ ਨੂੰ ਪਹਿਲਾ ਟੈਸਟ ਖੇਡੇਗੀ। ਟੀਮ ਨੇ ਉਥੇ ਦੋ ਟੈਸਟ, 3 ਇਕ ਦਿਨਾਂ ਤੇ 5 ਟੀ-20 ਮੈਚ ਖੇਡਣੇ ਹਨ।