For the best experience, open
https://m.punjabitribuneonline.com
on your mobile browser.
Advertisement

ਇੰਡੀਆ ਓਪਨ: ਸਿੰਧੂ ਕੁਆਰਟਰ ਫਾਈਨਲ ’ਚੋਂ ਬਾਹਰ

06:33 AM Jan 18, 2025 IST
ਇੰਡੀਆ ਓਪਨ  ਸਿੰਧੂ ਕੁਆਰਟਰ ਫਾਈਨਲ ’ਚੋਂ ਬਾਹਰ
ਮੁਕਾਬਲਾ ਹਾਰਨ ਮਗਰੋਂ ਨਿਰਾਸ਼ਾ ਦਾ ਪ੍ਰਗਟਾਵਾ ਕਰਦੀ ਹੋਈ ਭਾਰਤੀ ਬੈਡਮਿੰਟਨ ਖਿਡਾਰਨ ਪੀਵੀ ਸਿੰਧੂ। -ਫੋਟੋ: ਪੀਟੀਆਈ
Advertisement

ਨਵੀਂ ਦਿੱਲੀ, 17 ਜਨਵਰੀ
ਦੋ ਵਾਰ ਦੀ ਓਲੰਪਿਕ ਤਗ਼ਮਾ ਜੇਤੂ ਭਾਰਤੀ ਬੈਡਮਿੰਟਨ ਖਿਡਾਰਨ ਪੀਵੀ ਸਿੰਧੂ ਅੱਜ ਇੱਥੇ ਪੈਰਿਸ ਦੀ ਕਾਂਸੇ ਦਾ ਤਗ਼ਮਾ ਜੇਤੂ ਇੰਡੋਨੇਸ਼ੀਆ ਦੀ ਗ੍ਰੇਗੋਰੀਆ ਮਾਰਿਸਕਾ ਤੁਨਜੁੰਗ ਹੱਥੋਂ ਹਾਰ ਕੇ ਇੰਡੀਆ ਓਪਨ ਸੁਪਰ 750 ਦੇ ਮਹਿਲਾ ਸਿੰਗਲਜ਼ ਕੁਆਰਟਰ ਫਾਈਨਲ ’ਚੋਂ ਬਾਹਰ ਹੋ ਗਈ। ਸਾਬਕਾ ਚੈਂਪੀਅਨ ਸਿੰਧੂ ਨੇ ਪਹਿਲੀ ਗੇਮ ਹਾਰਨ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕੀਤੀ ਪਰ ਫੈਸਲਾਕੁਨ ਗੇਮ ਵਿੱਚ ਉਹ ਲੜਖੜਾ ਗਈ ਅਤੇ 62 ਮਿੰਟ ਤੱਕ ਚੱਲੇ ਰੋਮਾਂਚਕ ਮੈਚ ਵਿੱਚ ਉਸ ਨੂੰ 9-21, 21-19, 17-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਮੈਚ ਮਗਰੋਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸਿੰਧੂ ਨੇ ਕਿਹਾ, ‘ਇਹ ਯਕੀਨੀ ਤੌਰ ’ਤੇ ਦੁਖਦਾਈ ਹੈ ਕਿ ਇੰਨੇ ਸੰਘਰਸ਼ ਤੋਂ ਬਾਅਦ ਮੈਂ ਤੀਜੇ ਸੈੱਟ ਵਿੱਚ ਹਾਰ ਗਈ। ਮੇਰਾ ਖਿਆਲ ਹੈ ਕਿ ਇਹ ਖੇਡ ਇਸੇ ਤਰ੍ਹਾਂ ਦੀ ਹੈ। ਯਕੂਨੀ ਤੌਰ ’ਤੇ ਮੈਨੂੰ ਵਾਪਸੀ ਕਰਨੀ ਪੈਣੀ ਸੀ ਪਰ ਉਸ ਮੌਕੇ ਕੋਈ ਵੀ ਪੁਆਇੰਟ ਜਿੱਤ ਜਾਂ ਹਾਰ ਸਕਦਾ ਸੀ।’ ਉਸ ਨੇ ਕਿਹਾ, ‘ਮੈਚ ਦੌਰਾਨ ਲੰਮੀਆਂ ਰੈਲੀਆਂ ਚੱਲੀਆਂ। ਮੈਨੂੰ ਲੈਅ ਵਿੱਚ ਆਉਣ ਦੀ ਲੋੜ ਹੈ। ਕਦੇ-ਕਦੇ ਇਵੇਂ ਹੁੰਦਾ ਹੈ।’ -ਪੀਟੀਆਈ

Advertisement

Advertisement
Advertisement
Author Image

joginder kumar

View all posts

Advertisement