ਬਿਜਲੀ ਗਰਿੱਡ ਤੋਂ 11 ਕੇਵੀ ਨਵੀਂ ਲਾਈਨ ਦਾ ਉਦਘਾਟਨ

ਪੱਤਰ ਪ੍ਰੇਰਕ
ਮਾਛੀਵਾੜਾ, 3 ਅਗਸਤ
ਇੱਥੇ ਬਹਿਲੋਲਪੁਰ ਦੇ 66 ਕੇਵੀ ਬਿਜਲੀ ਗਰਿੱਡ ਤੋਂ 4 ਪਿੰਡਾਂ ਨੂੰ ਸੁਚਾਰੂ ਢੰਗ ਨਾਲ ਬਿਜਲੀ ਸਪਲਾਈ ਦੇਣ ਲਈ ਨਵੀਂ 11 ਕੇਵੀ ਲਾਈਨ ਸ਼ੁਰੂ ਕੀਤੀ ਗਈ। ਇਸ ਦਾ ਉਦਘਾਟਨ ਹਲਕਾ ਸਮਰਾਲਾ ਦੇ ਵਿਧਾਇਕ ਜਗਤਾਰ ਸਿੰਘ ਦਿਆਲਪੁਰਾ ਅਤੇ ਐਕਸੀਅਨ ਕੁਲਦੀਪ ਸਿੰਘ ਸਿੱਧੂ ਨੇ ਕੀਤਾ। ਵਿਧਾਇਕ ਦਿਆਲਪੁਰਾ ਨੇ ਦੱਸਿਆ ਕਿ ਪਿੰਡ ਪਵਾਤ, ਰਤੀਪੁਰ, ਸਹਿਜੋ ਮਾਜਰਾ ਅਤੇ ਕੁਝ ਹੋਰ ਪਿੰਡਾਂ ਵਿਚ ਲੋਕਾਂ ਨੂੰ ਬਿਜਲੀ ਦੀ ਸਮੱਸਿਆ ਆ ਰਹੀ ਸੀ। ਉਨ੍ਹਾਂ ਦੱਸਿਆ ਕਿ ਬਹਿਲੋਲਪੁਰ ਗਰਿੱਡ ਤੋਂ 25 ਲੱਖ ਰੁਪਏ ਦੀ ਲਾਗਤ ਨਾਲ ਨਵੀਂ 11 ਕੇਵੀ ਲਾਈਨ ਵਿਛਾਈ ਗਈ ਜਿਸ ਦਾ ਅੱਜ ਆਰੰਭ ਕਰ ਦਿੱਤਾ। ਇਸ ਮੌਕੇ ਸਰਪੰਚ ਰਮਨਦੀਪ ਬਹਿਲੋਲਪੁਰ, ਸਾਬਕਾ ਸਰਪੰਚ ਨਰਿੰਦਰਜੀਤ ਸਿੰਘ ਗੁੱਲੂ, ਰਣਜੀਤ ਸਿੰਘ ਨੇ ਕਿਹਾ ਕਿ ਵਿਧਾਇਕ ਦਿਆਲਪੁਰਾ ਅਤੇ ਐਕਸੀਅਨ ਸਿੱਧੂ ਦੇ ਯਤਨਾਂ ਸਦਕਾ ਇਹ ਨਵੀਂ 11 ਕੇਵੀ ਲਾਈਨ ਸ਼ੁਰੂ ਹੋਣ ਨਾਲ ਸਥਾਨਕ ਲੋਕਾਂ ਨੂੰ ਸਮੱਸਿਆ ਤੋਂ ਨਿਜ਼ਾਤ ਮਿਲੇਗੀ। ਇਸ ਮੌਕੇ ਐੱਸਡੀਓ ਪ੍ਰੀਤ, ਜੇਈ ਗੁਰਪ੍ਰੀਤ ਸੰਘਾ ਮੌਜੂਦ ਸਨ।