ਤਿੰਨ ਕਿੱਲੋ ਅਫੀਮ ਸਣੇ ਪਰਵਾਸੀ ਗ੍ਰਿਫ਼ਤਾਰ

ਪੱਤਰ ਪ੍ਰੇਰਕ
ਟੋਹਾਣਾ, 11 ਨਵੰਬਰ
ਇੱਥੇ ਪੁਲੀਸ ਨੇ ਤਿੰਨ ਕਿੱਲੋ ਅਫੀਮ ਸਣੇ ਪਰਵਾਸੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਸਬੰਧੀ ਨਾਰਕੋਟਿਕ ਕੰਟਰੋਲ ਬਿਊਰੋ ਫਤਿਹਾਬਾਦ ਨੂੰ ਗੁਪਤ ਸੂਚਨਾ ਮਿਲੀ ਸੀ। ਸੂਚਨਾ ਮਿਲਣ ਮਗਰੋਂ ਟੀਮ ਦੇ ਥਾਣੇਦਾਰ ਜਸਬੀਰ ਸਿੰਘ ਨੇ ਹਿਸਾਰ ਦੇ ਰੇਲਵੇ ਕੁਆਰਟਰ ’ਤੇ ਛਾਪਾ ਮਾਰਿਆ। ਇਸ ਦੌਰਾਨ ਉਥੇ ਗਾਹਕਾਂ ਦੀ ਉਡੀਕ ਵਿਚ ਖੜ੍ਹੇ ਵਿਅਕਤੀ ਨੂੰ ਕਾਬੂ ਕਰਕੇ ਉਸ ਦਾ ਪਿਠੂ ਬੈਗ ਚੈਕ ਕੀਤਾ ਗਿਆ। ਤਲਾਸ਼ੀ ਦੌਰਾਨ ਬੈਗ ਵਿੱਚੋਂ ਅਫੀਮ ਮਿਲੀ। ਥਾਣੇਦਾਰ ਨੇ ਆਪਣੇ ਸੀਨੀਅਰ ਅਧਿਕਾਰੀ ਕਪਿਲ ਦੇਵ ਨੂੰ ਮੌਕੇ ’ਤੇ ਬੁਲਾਕੇ ਤਲਾਸ਼ੀ ਲਈ ਤਾਂ ਥੈਲੇ ਵਿੱਚੋਂ ਮਿਲੀ ਅਫੀਮ ਦਾ ਵਜ਼ਨ ਕੀਤਾ ਗਿਆ। ਅਫੀਮ ਦਾ ਵਜ਼ਨ 2.920 ਕਿੱਲੋ ਬਣਿਆ। ਮੁਲਜ਼ਮ ਨੇ ਆਪਣਾ ਨਾਂ ਈਸ਼ਵਰ ਵਾਸੀ ਖੇਜੜੀਆ ਜ਼ਿਲ੍ਹਾ ਮਦਸੌਰ ਦੱਸਿਆ। ਤਸਕਰ ਖ਼ਿਲਾਫ਼ ਹਿਸਾਰ ਸਿਟੀ ਥਾਣੇ ਵਿੱਚ ਕੇਸ ਦਰਜ ਕਰ ਲਿਆ ਗਿਆ ਹੈ। ਨਾਰਕੋਟਿਕ ਸੈੱਲ ਦੀ ਟੀਮ ਨੇ ਮੁਲਜ਼ਮ ਨੁੰ ਹਿਸਾਰ ਸਿਟੀ ਥਾਣੇ ਦੀ ਪੁਲੀਸ ਨੂੰ ਸੌਂਪ ਦਿੱਤਾ ਹੈ।