ਡਰੋਨ ਰਾਹੀਂ ਸੁੱਟੇ ਗਏ ਆਈਈਡੀਜ਼ ਤੇ ਨਗਦੀ ਦੇ ਦੋ ਪੈਕੇਟ ਬਰਾਮਦ

ਜੰਮੂ, 24 ਦਸੰਬਰ
ਜੰਮੂ ਕਸ਼ਮੀਰ ਦੇ ਅਖਨੂਰ ਸੈਕਟਰ ’ਚ ਕੰਟਰੋਲ ਰੇਖਾ (ਐੱਲਓਸੀ) ਨੇੜੇ ਅੱਜ ਫੌਜ ਅਤੇ ਪੁਲੀਸ ਦੇ ਸਾਂਝੇ ਅਪ੍ਰੇਸ਼ਨ ਦੌਰਾਨ ਡਰੋਨਾਂ ਰਾਹੀਂ ਸੁੱਟੇ ਗਏ ਬੈਟਰੀ ਨਾਲ ਚੱਲਣ ਵਾਲੇ ਛੇ ਆਈਈਡੀਜ਼, ਇਕ ਪਿਸਤੌਲ ਅਤੇ ਕੁਝ ਨਕਦੀ ਦੇ ਦੋ ਪੈਕੇਟ ਬਰਾਮਦ ਕੀਤੇ ਗਏ ਹਨ। ਅਧਿਕਾਰੀ ਨੇ ਦੱਸਿਆ ਕਿ ਸਮੇਂ ਸਿਰ ਪੈਕੇਟਾਂ ਦੀ ਬਰਾਮਦਗੀ ਨਾਲ ਦੇਸ਼ ’ਚ ਅਤਿਵਾਦੀਆਂ ਦੀ ਵੱਡੇ ਹਮਲੇ ਦੀ ਸਾਜ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ ਗਿਆ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਪੈਕੇਟ ਪਾਕਿਸਤਾਨ ਵੱਲੋਂ ਸੁੱਟੇ ਗਏ ਸਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਪੈਕੇਟ ਸਵੇਰੇ ਕਰੀਬ 7.50 ਵਜੇ ਖੌਰ ਇਲਾਕੇ ਦੇ ਪਿੰਡ ਚੰਨੀ ਦੀਵਾਨੋ ਵਿੱਚ ਇੱਕ ਖੁੱਲ੍ਹੇ ਮੈਦਾਨ ਵਿੱਚ ਦੇਖੇ ਗਏ ਸਨ।
ਇਸ ਮਗਰੋਂ ਫੌਜ ਅਤੇ ਪੁਲੀਸ ਨੇ ਤੁਰੰਤ ਅਪ੍ਰੇਸ਼ਨ ਸ਼ੁਰੂ ਕੀਤਾ ਅਤੇ ਬੰਬ ਨਕਾਰਾ ਕਰਨ ਵਾਲੇ ਦਸਤੇ ਦੀ ਮਦਦ ਨਾਲ ਪੈਕੇਟ ਖੋਲ੍ਹੇ, ਜਿਨ੍ਹਾਂ ’ਚੋਂ ਆਈਈਡੀ, 9 ਐੱਮਐੱਮ ਦਾ ਪਿਸਤੌਲ, ਤਿੰਨ ਮੈਗਜ਼ੀਨ, ਇੱਕ ਹੱਥਗੋਲਾ ਅਤੇ 35,000 ਰੁਪਏ ਦੀ ਨਕਦੀ ਬਰਾਮਦ ਹੋਈ। -ਪੀਟੀਆਈ