ਟਰਾਲੇ ਹੇਠਾਂ ਆਉਣ ਕਾਰਨ ਪਤੀ-ਪਤਨੀ ਦੀ ਮੌਤ

ਇਕਬਾਲ ਸਿੰਘ ਸ਼ਾਂਤ
ਡੱਬਵਾਲੀ/ਲੰਬੀ, 25 ਜੁਲਾਈ

ਪਿੰਡ ਚੌਟਾਲਾ ‘ਚ ਰਾਜਸਥਾਨ ਸਰਹੱਦ ਨੇੜੇ ਟਰਾਲੇ ਹੇਠਾਂ ਆਉਣ ਕਾਰਨ ਮੋਟਰਸਾਈਕਲ ਸਵਾਰ ਪਤੀ-ਪਤਨੀ ਦੀ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਗੁਰਤੇਜ ਸਿੰਘ ਆਪਣੀ ਪਤਨੀ ਨਸੀਬ ਕੌਰ ਨਾਲ ਅਮਰਪੁਰਾ ਢਾਣੀ ਜਾ ਰਿਹਾ ਸੀ ਕਿ ਰਾਜਸਥਾਨ ਸਰਹੱਦ ‘ਤੇ ਸਾਹਮਣਿਓਂ ਆਉਂਦੇ ਟਰਾਲੇ ਨੇ ਉਨ੍ਹਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ ਤੇ ਉਨ੍ਹਾਂ ਦੀ ਮੌਤ ਹੋ ਗਈ। ਪੁਲੀਸ ਨੇ ਟਰਾਲਾ ਤੇ ਕੰਡਕਟਰ ਨੂੰ ਕਾਬੂ ਕਰ ਲਿਆ ਹੈ, ਜਦੋਂ ਕਿ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ।