ਚੋਰੀ ਦੇ ਦੋਸ਼ ਹੇਠ ਪਤੀ-ਪਤਨੀ ਕਾਬੂ

ਪੱਤਰ ਪ੍ਰੇਰਕ
ਜਲੰਧਰ, 8 ਨਵੰਬਰ
ਥਾਣਾ ਭਾਰਗੋ ਕੈਂਪ ਦੀ ਪੁਲੀਸ ਨੇ ਕੁਝ ਦਿਨ ਪਹਿਲਾਂ ਰਾਮਦਾਸਪੁਰਾ ’ਚ ਸਥਤਿ ਇੱਕ ਘਰ ਵਿੱਚ ਹੋਈ ਚੋਰੀ ਦੇ ਮਾਮਲੇ ਵਿੱਚ ਪਤੀ-ਪਤਨੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਨ੍ਹਾਂ ਕੋਲੋਂ ਚੋਰੀ ਦਾ ਸਾਮਾਨ ਵੀ ਬਰਾਮਦ ਕੀਤਾ ਹੈ। ਥਾਣਾ ਮੁਖੀ ਸਬ-ਇੰਸਪੈਕਟਰ ਹਰਦੇਵ ਸਿੰਘ ਮੁਤਾਬਕ 27 ਅਕਤੂਬਰ ਨੂੰ ਮਦਨ ਮੋਹਨ ਵਾਸੀ ਰਾਮਦਾਸਪੁਰਾ ਨਕੋਦਰ ਰੋਡ ਨੇ ਸ਼ਿਕਾਇਤ ਕੀਤੀ ਸੀ ਕਿ ਉਸ ਦੇ ਘਰੋਂ ਸੋਨੇ-ਚਾਂਦੀ ਦੇ ਗਹਿਣੇ, ਗੈਸ ਸਿਲੰਡਰ ਤੇ ਰਜਿਸਟਰੀਆਂ ਚੋਰੀ ਕਰਕੇ ਲੈ ਗਏ ਹਨ। ਇਸ ਦੇ ਆਧਾਰ ’ਤੇ ਅਨਿਲ ਕੁਮਾਰ ਉਰਫ ਬੱਬੂ ਤੇ ਉਸ ਦੀ ਪਤਨੀ ਗੌਤਮੀ ਉਰਫ ਅਨੀਤਾ ਵਾਸੀ ਨਿਊ ਸਰਾਂਜਗੰਜ ਵੈਸਟ ਹਾਲ ਵਾਸੀ ਸੰਤੋਸ਼ੀ ਨਗਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਨ੍ਹਾਂ ਕੋਲੋਂ ਦੋ ਗੈਸ ਸਿਲੰਡਰ, ਰਜਿਸਟਰੀਆਂ, ਇੱਕ ਜੁਗਾੜੂ ਰੇੜੀ ਵਾਲਾ ਮੋਟਰਸਾਈਕਲ ਤੇ ਇਕ ਹੋਰ ਮੋਟਰਸਾਈਕਲ ਬਰਾਮਦ ਕਰ ਲਿਆ ਹੈ।