ਹੁੱਡਾ ਭਲਕੇ ਕਰਨਗੇ ਸਿਹਾਗ ਦੇ ਹੱਕ ਵਿਚ ਰੋਡ ਸ਼ੋਅ

ਪੱਤਰ ਪ੍ਰੇਰਕ
ਡੱਬਵਾਲੀ, 20 ਸਤੰਬਰ
ਚੌਟਾਲਾ ਖਾਨਦਾਨ ਦੀ ਜੱਦੀ ਸੀਟ ਡੱਬਵਾਲੀ ’ਤੇ ਸਿਆਸੀ ਪਰਚੰਮ ਦੁਹਰਾਉਣ ਲਈ ਕਾਂਗਰਸ ਲੀਡਰਸ਼ਿਪ ਬੇਹੱਦ ਗੰਭੀਰ ਹੈ। ਭੁਪਿੰਦਰ ਸਿੰਘ ਹੁੱਡਾ 22 ਸਤੰਬਰ ਨੂੰ ਕਾਂਗਰਸ ਉਮੀਦਵਾਰ ਅਮਿਤ ਸਿਹਾਗ ਲਈ ਪ੍ਰਚਾਰ ਲਈ ਡੱਬਵਾਲੀ ਵਿੱਚ ਦਸਤਕ ਦੇਣਗੇ। ਉਹ ਪਿੰਡ ਚੌਟਾਲਾ ਵਿੱਚ ਪ੍ਰਚਾਰ ਮੁਹਿੰਮ ਦਾ ਆਗਾਜ਼ ਕਰਨਗੇ। ਉਪਰੰਤ ਸ੍ਰੀ ਹੁੱਡਾ ਵੱਲੋਂ ਪਿੰਡ ਅਬੁੱਬਸ਼ਹਿਰ, ਗੰਗਾ, ਕਾਲੂਆਣਾ, ਅਹਿਮਦਪੁਰ ਦਾਰੇਵਾਲਾ, ਬਿੱਜੂਵਾਲੀ, ਰਿਸਾਲਿਆਖੇੜਾ ਅਤੇ ਬਨਵਾਲਾ ਵਿੱਚ ਰੋਡ ਸ਼ੋਅ ਕੀਤਾ ਜਾਵਗਾ। ਉਹ ਇਨ੍ਹਾਂ ਪਿੰਡਾਂ ਵਿੱਚ ਅਮਿਤ ਸਿਹਾਗ ਨੂੰ ਵੱਡੇ ਫ਼ਰਕ ਨਾਲ ਜਿਤਾਉਣ ਲਈ ਹਲਕਾ ਵਾਸੀਆਂ ਨੂੰ ਅਪੀਲ ਕਰਨਗੇ।