ਕਲਾ ਮੁਕਾਬਲੇ ਦੀਆਂ ਜੇਤੂ ਬੱਚੀਆਂ ਦਾ ਸਨਮਾਨ

ਮਾਨਸਾ: ਦੂਰਦਰਸ਼ਨ ਜਲੰਧਰ ਵੱਲੋਂ ‘ਕਿਸ ਮੇਂ ਕਿਤਨਾ ਹੈ ਦਮ’ ਬੱਚਿਆਂ ਦੇ ਕਲਾ ਮੁਕਾਬਲੇ ਦੇ ਫਾਈਨਲ ਰਾਊਂਡ ਵਿੱਚ ਮਾਨਸਾ ਜ਼ਿਲ੍ਹੇ ਦੇ ਚੇਤਨ ਸਿੰਘ ਸਰਵਹਿੱਤਕਾਰੀ ਸਕੂਲ ਦੀਆਂ ਦੋ ਵਿਦਿਆਰਥਣਾਂ ਮੋਹਰੀ ਰਹੀਆਂ। ਸਕੂਲ ਪ੍ਰਿੰਸੀਪਲ ਜਗਦੀਪ ਪਟਿਆਲ ਨੇ ਦੱਸਿਆ ਕਿ ਧੂਰੀ ’ਚ ਹੋਏ ਸੁੰਦਰ ਲਿਖਾਈ ਦੇ ਫਾਈਨਲ ਮੁਕਾਬਲੇ ਵਿੱਚ ਸਕੂਲ ਦੀ ਵਿਦਿਆਰਥਣ ਆਂਚਲ ਤੇ ਨਿਤਿਕਾ ਨੇ ਪਹਿਲੀ ਪੁਜ਼ੀਸ਼ਨਾਂ ਪ੍ਰਾਪਤ ਕੀਤੀਆਂ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਦੋਵੇਂ ਬੱਚੀਆਂ ਦਾ ਸਕੂਲ ਪੁੱਜਣ ’ਤੇ ਭਰਵਾਂ ਸਵਾਗਤ ਕਰਦਿਆਂ ਸਨਮਾਨਿਤ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਪਹਿਲੀ ਪੁਜ਼ੀਸ਼ਨ ਲਈ ਇੱਕੋ ਸਕੂਲ ਦੀਆਂ ਦੋਵੇਂ ਬੱਚੀਆਂ ਦਾ ਫਸਵਾਂ ਮੁਕਾਬਲਾ ਰਿਹਾ ਤੇ ਜੱਜਾਂ ਦੁਆਰਾ ਦੋਨਾਂ ਬੱਚੀਆਂ ਨੂੰ ਪਹਿਲੀ ਪੁਜੀਸ਼ਨ ਦੇ ਕੇ ਜੇਤੂ ਕਰਾਰ ਦਿੱਤਾ। -ਪੱਤਰ ਪ੍ਰੇਰਕ